Story Tips

    ဧရာဝတီတိုင်းဒေသကြီးထဲမှာ ရှိနေတဲ့ စီးပွားရေးအသင်းအဖွဲ့တွေအကြောင်း

    ဧရာဝတီတိုင်းဒေသကြီးက လယ်ယာစိုက်ပျိုးရေး မွေးမြူရေးလုပ်ငန်းအရင်းအမြစ်တွေ အများအပြားရှိပြီး အဲ့ဒီအရင်းအမြစ်တွေပေါ်အခြေခံတဲ့ လုပ်ငန်းငယ်တွေ လုပ်ငန်းကြီးတွေ ကို လုပ်ကိုင်ကြတဲ့ စီးပွားရေးလုပ်ငန်းရှင်တွေလည်း ခရိုင် ၆ခု နဲ့ မြို့နယ် ၂၆ မြို့နယ်မှာ ပျံနှံတည်ရှိနေကြပါတယ်။
    အဲဒီလို စီးပွားရေးလုပ်ငန်းတွေကို လုပ်ကိုင်ကြတဲ့သူတွေက လုပ်ငန်းတူသူတွေကိုစုစည်းပြီး Cluster (အသင်းအဖွဲ့ပုံစံစုစည်းမှု)ပုံစံမျိုးဖွဲ့စည်းတာမျိုးတွေလည်းရှိခဲ့ပါတယ်။
    အဲ့ဒီလိုအသင်းအဖွဲ့ လေးတွေကနေ ထပ်မံစုစည်းပြီး ရန်ကုန်မြို့မှာရှိတဲ့ ပြည်ထောင်စုသမ္မတမြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင်များအသင်းချုပ် ရဲ့ ဖွဲ့စည်းသလို ဧရာဝတီတိုင်းဒေသကြီး ကုန်သည်များနှင့်စက်မှုလက်မှုလုပ်ငန်းရှင်များအသင်းကိုဖွဲ့စည်းထားပါတယ်။
    ဧရာဝတီတိုင်းဒေသကြီးကုန်သည်များနှင့်စက်မှုလက်မှုလုပ်ငန်းရှင်များအသင်းကို ခရိုင်အလိုက်အသင်းတွေဖွဲ့စည်းထားသလို အခြားလုပ်ငန်းအလိုက် ညီနောင်အသင်း ၃၀ကျော်နဲ့စုစည်းဖွဲ့စည်းထားတာပါ။
    အဲ့ဒီညီနောင်အသင်းတွေထဲမှာ ကုန်သွယ်မှု ၊ထုတ်လုပ်မှု နဲ့ နည်းပညာဆိုင်ရာအသင်းတွေပါဝင်သလို ဒေသတွင်းလက်မှုလုပ်ငန်းအသင်းအဖွဲ့တွေ ၊ စိုက်ပျိုးရေးနှင့် ဆက်စပ်တဲ့အသင်းအဖွဲ့တွေလည်းပါဝင်ပါတယ်။
    အခုနှစ်ပိုင်းထဲမှာ အစားအသောက်ထုတ်လုပ်တဲ့အသင်းအဖွဲ့တွေ ပုံစံမျိုးပေါ်ထွန်းလာတာမျိုးတွေလည်းရှိပါတယ်။ဧရာဝတီတိုင်းဒေသကြီးထဲက ရေသန့်စက်လုပ်ငန်းရှင်တွေကလည်း ဧရာဝတီတိုင်းဒေသကြီးရေသန့်ထုတ်လုပ်သူများအသင်းကို ဖွဲ့စည်းလိုက်ပါတယ်။
    ၂၀၁၅ ခုနှစ်က ရွေးချယ်တင်မြှောက်ပွဲ ပြုလုပ်ခဲ့တဲ့ ဧရာဝတီတိုင်းဒေသကြီးကုန်သည်များနှင့်စက်မှုလက်မှုလုပ်ငန်းရှင်များအသင်းက အခုနှစ်တွေအတွင်းမှာ ပြန်လည်ရွေးချယ်တင်မြှောက်ပွဲပြုလုပ်ရတော့မှာပါ။ ဖွဲ့စည်းပုံ ဘယ်လိုပြောင်းလဲမယ်ဆိုတာကတော့ စိတ်ဝင်စားစရာပါ ။ ဘာကြောင့်လဲဆိုတော့ ဧရာဝတီတိုင်းဒေသကြီးရဲ့ စီးပွားရေးကဏ္ဍ အပြောင်းအလဲနဲ့ ဆက်စပ်နေလို့ပါ။
    ဧရာဝတီတိုင်းဒေသကြီးထဲက စီးပွားရေးသတင်းနဲ့သတင်းဆောင်းပါးတွေအကြောင်းရေးသားမယ်ဆိုရင် ဧရာဝတီတိုင်းဒေသကြီးရဲ့ စီးပွားရေးအသင်းအဖွဲ့တွေအကြောင်းသိရှိနိုင်ဖို့ ရှာဖွေပေးလိုက်ရပါတယ်။

    ဧရာဝတီတိုင်းဒေသကြီး ထဲက စီးပွားရေးအသင်းအဖွဲ့ တွေရဲ့ အမည်များ

    ရင်းမြစ် ဧရာဝတီတိုင်းဒေသကြီးအစိုးရအဖွဲ့၊Myanmar Survey Research,JICA
    ဧရာဝတီတိုင်းဒေသကြီးကုန်သည်များနှင့်စက်မှုလက်မှုလုပ်ငန်းရှင်များအသင်း Facebook Page Link
    https://www.facebook.com/arcci.ayeyarwady/?tn-str=k%2AF
    ဆက်သွယ်ရမယ့်သတင်းရင်းမြစ်
    ဦးဝင်းမြင့်လှိုင်
    ဥက္ကဌ
    ဧရာဝတီတိုင်းဒေသကြီးကုန်သည်များနှင့်စက်မှုလက်မှုလုပ်ငန်းရှင်များအသင်း
    ဝ၉-၈၅၅၀၇၉၈


    ပဋိပက္ခတွေက နိုင်ငံခြားရင်းနှီးမြှုပ်နှံမှုအတွက် အဟန့်အတားလား

    မိုင်းရူကော၊ ရွှေဖီမြေ

    မြန်မာ့နိုင်ငံရေးအခြေအနေကြောင့် စီးပွားရေးအပေါ် သက်ရောက်မှုရှိပြီး နိုင်ငံခြားရင်းနှီးမြှုပ်နှံမှု ဝင်ရောက်မှုများ နှောင့်နှေးသွားသည်ဟု သုံးသပ်မှုများ ရှိနေသည်။

    တိုင်းရင်းသား လက်နက်ကိုင်အဖွဲ့အစည်းများနှင့် ပဋိပက္ခဖြစ်ပွားနေသည့် ကချင်၊ ရခိုင်နှင့် ရှမ်းပြည်နယ်များတွင် စီးပွားရေးဝင်ရောက်လုပ်ကိုင်ရန် အလားအလာကောင်းများရှိသော်လည်း နိုင်ငံရေးမတည်ငြိမ်မှုကြောင့် ရင်းနှီးမြှုပ်နှံသူများက ဆက်လက်ရှေ့မတိုးသာပဲ ရှိနေသည်။

    နယ်မြေတည်ငြိမ်မှုမရှိသော တိုင်းရင်းသား ပြည်နယ်များအဖို့ နိုင်ငံတကာရင်းနှီးမြှုပ်နှံမှုများ ဝင်ရောက်မလာရခြင်း၏ အကြောင်းရင်းမှာ တိုက်ပွဲပဋိပက္ခသည်သာ အဓိကဖြစ်သည်ဟု ဒေသခံများက ဆိုသည်။

    နိုင်ငံရေးတည်ငြိမ်သွားလျှင် ရင်းနှီးမြှုပ်နှံလိုသူများသည် အလိုလိုဝင်ရောက်လာမည်ဖြစ်ကြောင်း ရှမ်းပြည်နယ်မြောက်ပိုင်း မူဆယ်ခရိုင် အမျိုးသားလွှတ်တော်ကိုယ်စားလှယ် ဦးညီစိန်က ပြောပါသည်။

    “တိုက်ပွဲပဋိပက္ခက အဓိကဘဲ။ ဘာလို့လဲဆိုတော့ ပြည်ပရင်းနှီးမြုပ်နှံသူတွေ ဒီဒေသက မအေးချမ်းတော့ ဘာတွေရင်းနှီးမြုပ်နှံလို့ရတယ်ဆိုတာကို လာမစုံစမ်းရဲလို့ မသိတာလေ။ ပြန်တွေးကြည့်မယ်ဆိုရင် နိုင်ငံရေး မအေးချမ်းလို့ပေါ့။ ဒီနေ့သာ အေးချမ်းသွားရင် နိုင်ငံခြားရင်းနှီးမြုပ်နှံသူတွေက မနက်ဖြန် လာမှာဘဲလေ။ သူတို့က သူဌေးတွေကိုးဗျ ဌေးသထက် ဌေးချင်ကြတာ။ အေးချမ်းသွားတာနဲ့ လာကြမှာဘဲ။ သူတို့ရောက်လာရင် ဒေသကတော့ ဖွံ့ဖြိုးလာမှာပါ။ အဓိကတော့ ဒေသအခြေနေ တိုင်းပြည်အခြေအနေ အမြန်အေးချမ်းဖို့လိုပါတယ်။ တိုင်းပြည်အေးချမ်းသွားမှသာလျှင် ဘက်စုံဖွံ့ဖြိုးတိုးတက်လာမှာ သေချာတယ်” ဟု ၎င်းက ပြောသည်။

    တိုင်းရင်းသားလက်နက်ကိုင်တပ် အချင်းချင်းကြားသော်လည်းကောင်း၊ တိုင်းရင်းသားလက်နက်ကိုင်တပ်ဖွဲ့နှင့် တပ်မတော်တို့အကြား လက်နက်ကိုင်ပဋိပက္ခဖြစ်ပွားရခြင်း၏ အဓိကအကြောင်းရင်းသည် နယ်မြေလုခြင်းနှင့် အခွန်ပြဿနာများကြောင့် တိုက်ပွဲဖြစ်ပွားနေရခြင်းဖြစ်ကြောင်း ရှမ်းပြည်နယ်မြောက်ပိုင်းရှိ ဒေသခံများက ပြောဆိုနေကြသည်။

    သျှမ်းလူငယ်အဖွဲ့(Tai Youth Organization)၏ သျှမ်းပြည်နယ် မြောက်ပိုင်းတာဝန်ခံ စိုင်းဟန်ကလည်း “လက်နက်ကိုင်ပဋိပက္ခနဲ့ ဆက်စပ်နေတာပေါ့။ တိုက်ပွဲဖြစ်နေမှတော့ မြေလွတ်မြေရိုင်းတွေ ဘယ်လောက်ဘဲ ရှိနေပါစေ တိုက်ပွဲအရှိန်မလျှော့နိုင်သရွှေ့ ဘာအလုပ်သွားလုပ်လို့ အောင်မြင်နိုင်မလဲပေါ့။ ရင်းနှီးမြှုပ်နှံမှုဆိုတာက အချိန်တိုတိုနဲ့ ပြီးတဲ့ကိစ္စမဟုတ်တော့ တိုက်ပွဲဖြစ်နေတဲ့အတွက်ကြောင့် ရင်းနှီးမြှုပ်နှံတဲ့လုပ်ငန်းက အကောင်ထည် မဖော်နိုင်ဘူးလို့ဘဲ ကျနော်တို့မြင်တယ်” ဟု စိုင်းဟန်က ထောက်ပြပြောဆိုသည်။

    လက်ရှိအချိန်တွင် နိုင်ငံခြားရင်းနှီးမြှုပ်နှံမှုများ ဝင်ရောက်မှုနည်းနေသော်လည်း မြေယာပြဿနာများ ဖြစ်ပွားနေသည့်အတွက် နိုင်ငံခြားရင်းနှီးမြှုပ်နှံမှုများ ဆက်လက်ဝင်လာပါကလဲ မြေယာပြဿနာများ ပိုမိုရှုပ်ထွေးလာနိုင်ကြောင်း ၎င်းကဆိုသည်။

    “နိုင်ငံခြားဘဲဝင်ဝင် ဘယ်လိုဘဲဝင်ဝင် မြေယာနဲ့ပတ်သက်ပြီးတော့ ပြဿနာက ပိုရှုပ်လာမှာဘဲ။ ဘာလို့လဲဆိုတော့ အခုမဝင်သေးတာတောင်မှ ကျနော်တို့အတွက် ရှုပ်နေတာဘဲ။ မြန်မာနိုင်ငံရဲ့ ထုံးစံကတော့ တခြားနိုင်ငံက မြေယာအတွက် တန်ရာတန်ကြေးပေးပေမဲ့ ပြည်သူလက်ထဲမရောက်ဘူးဆိုတာကို သိနေကြတာဘဲလေ” ဟု စိုင်းဟန်က ဆက်ပြောသည်။

    သို့သော် ကမ္ဘာ့ဘဏ်နှင့် အပြည်ပြည်ဆိုင်ရာ ငွေကြေးရန်ပုံငွေအဖွဲ့တို့၏ သုံးသပ်ချက်များအရ စီးပွားရေးလုပ်ငန်းများအတွက် လုပ်သာကိုင်သာဖြစ်စေမည့် ဝန်းကျင်တစ်ရပ်ရှိ မြန်မာနိုင်ငံတွင် ရှိမနေခြင်းက ပို၍အဓိကကျကြောင်း ကျွမ်းကျင်သူများက ပြောဆိုသည်။

    “ကမ္ဘာ့ဘဏ်က စစ်တမ်းလုပ်တဲ့ထဲမှာ ပဋိပက္ခကြောင့် ရင်းနှီးမြှုပ်နှံမှု ပမာဏကျသွားတယ်ဆိုတာ သိပ်မတွေ့ရဘူး။ သူက ဘယ်လိုလဲဆိုတော့ အကျိုးအပြစ် ဒွန်တွဲနေတာ။ ပဋိပက္ခရဲ့အခြေအနေက အလားအလာထက် ပိုပြီးအားကြီးနေရင်တော့ ရင်းနှီးမြှုပ်နှံမှု မလာဘူး။ အလားအလာရဲ့ အခြေအနေက ပဋိပက္ခထက် ဆွဲဆောင်မှုအားကောင်းနေရင် ရင်းနှီးမြှုပ်နှံမှုလာတယ်” ဟု ရင်းနှီးမြှုပ်နှံမှုနှင့် နိုင်ငံခြား စီးပွားဆက်သွယ်ရေး ဝန်ကြီးဌာန၏ အမြဲတမ်းအတွင်းဝန် ဦးအောင်နိုင်ဦးက ပြောသည်။

    ကမ္ဘာ့ဘဏ်၏ နိုင်ငံပေါင်း ၁၉၀ အတွက် မိမိတို့နိ်ုင်ငံတွင်းသို့ စီးပွားရေးလုပ်ငန်းများ ဝင်ရောက်လုပ်ကိုင်နိုင်မှုအဆင့်တွင် မြန်မာနိုင်ငံသည် ၁၇၁ နေရာတွင်သာ ရှိသေးသည်။

    ချေးငွေရယူနိုင်မှု၊ လျှပ်စစ်မီးရရှိမှု၊ ရှယ်ယာ အနည်းငယ်သာပိုင်ဆိုင်သည့် ရင်းနှီးမြှုပ်နှံမှုများကို ဥပဒေအရ အကာအကွယ်ပေးခြင်း၊ စာချုပ်ပါအချက်အလက်များအတိုင်း လုပ်ဆောင်မှု၊ လုပ်ငန်းတစ်ခု စတင်လုပ်ကိုင်နိုင်မှု စသည်တို့တွင် တိုးတက်ပြောင်းလဲနိုင်မှု နဲပါးနေသေးသည်။

    ဖွံ့ဖြိုးဆဲမြန်မာနိုင်ငံအတွက် လက်ရှိလုပ်ကိုင်ဆောင်ရွက်နေသော နိုင်ငံခြားရင်းနှီးမြှုပ်နှံမှုစုစုပေါင်း အမေရိကန်ဒေါ်လာ ၆၇ ဘီလျံတွင် အိမ်နီးချင်းတရုတ်၏ ရင်းနှီးမြှုပ်နှံမှုများနှင့် စင်ကာပူမှတဆင့် ဝင်ရောက်လာသော ရင်းနှီးမြှုပ်နှံမှုများက အများဆုံးဖြစ်နေသည်။ ကမ္ဘာ့ဘဏ်၏ စစ်တမ်းအရ မြန်မာနိုင်ငံတွင်း အလားအလာကောင်းသည့် နယ်ပယ်အမြောက်အများ ရှိနေသေးသော်လည်း ရေနံနှင့် သဘာဝဓါတ်ငွေ့ကဏ္ဍများတွင်သာ အကြီးမားဆုံး ရင်းနှီးမြှုပ်နှံမှုများ ရှိနေသေးသည်။

    ကချင်ပြည်နယ်သည် နှစ်ပေါင်းများစွာ ဒေသတွင်းစစ်ပွဲများဖြစ်ပွားသည့် နယ်မြေတစ်ခု ဖြစ်သော်လည်း ရေအားလျှပ်စစ်စီမံကိန်းများရှိခြင်းကြောင့် လက်ရှိဆောင်ရွက်နေသည့် အမေရိကန်ဒေါ်လာ ၁၂ ဘီလျံနှင့် ရန်ကုန်တိုင်းဒေသကြီးပြီးလျှင် ရင်းနှီးမြှုပ်နှံမှု ဒုတိယအများဆုံး ဝင်ရောက်သည့် နယ်မြေတစ်ခုဖြစ်နေသည်။

    ရင်းနှီးမြှုပ်နှံသူများသည် နိုင်ငံရေးတည်ငြိမ်မှုကို အဓိကထားကာ ရင်းနှီးမြှုပ်နှံမှုများ လုပ်နေကြောင်း ပလောင်လက်ဖက်စိုက်ပျိုး ထုတ်လုပ်ရောင်းချသူများအသင်း(ဗဟို)၏ အတွင်းရေးမှူးဖြစ်သူ ကိုသိန်းထွေးက ပြောသည်။

    “ရင်းနှီးမြှုပ်နှံသူတွေကတော့ နိုင်ငံရေးကို သုံးသပ်မယ်။ Cash flow ကို သုံးသပ်မယ်။ နိုင်ငံရေးတည်ငြိမ်မှုကလဲ အရေးကြီးတာလေ။ သူရင်းနှီးမြှုပ်နှံထားတဲ့ဟာတွေက နိုင်ငံရေးတည်ငြိမ်မှုမရှိဘူးဆိုရင် ရပ်တန့်မှုတွေ ဖြစ်လာနိုင်တယ်။ ရင်းနှီးမြှုပ်နှံမှုမူဝါဒ ဘယ်လောက်ဘဲ ရေးဆွဲထားပါစေ အောက်ခြေမှာ လည်ပတ်နေတဲ့ဟာ ဘယ်လောက်ထိ မြန်ဆန်လဲဆိုတဲ့အပေါ်မှာ မူတည်တယ်” ဟု ၎င်းက ပြောပါသည်။

    “၂ဝ၁၇၊ ၂ဝ၁၈ နောက်ပိုင်းမှာ နိုင်ငံရေးက မသဲမကွဲဖြစ်လာတဲ့အခါမှာ ရင်းနှီးမြှုပ်နှံသူတစ်ယောက်အနေနဲ့က ပေါ်လစီတိတိကျကျ သိချင်တယ်။ သူလုပ်မယ်ဆိုရင် ဥပဒေအရ ဘယ်လောက်ထိ ခိုင်မာမှုရှိလဲပေါ့။ နောက် အရည်အသွေးက ဘယ်လောက်ထိရှိလဲ အများကြီးစဉ်းစားမှာဘဲလေ” ဟု ကိုသိန်းထွေးက ဆက်ပြောသည်။

    အလားတူ ရခိ်ုင်ပြည်နယ်တွင်လည်း ကမ်းလွန်ဒေသရေနံသဘာဝ လုပ်ကွက်များကြောင့် ရင်းနှီးမြှုပ်နှံမှု စုစုပေါင်း အမေရိကန်ဒေါ်လာ ၁၀ ဘီလျံကျော် ရှိသည်။ သို့သော် အဆိုပါဒေသများတွင် သယံဇာတခွဲဝေမှုများ၊ စီမံခန့်ခွဲမှုများနှင့် ပတ်သက်၍ တိုင်းရင်းသားအရေးနှင့် လူမှုရေးပဋိပက္ခ တင်းမာမှုများရှိနေသေးသည်။

    ရင်းနှီးမြှုပ်နှံမှုများ ဝင်ရောက်လာရေးအတွက် နိုင်ငံရေးတည်ငြိမ်မှုနှင့် မူဝါဒတည်ငြိမ်မှုနှစ်ချက်က အရေးကြီးကြောင်း ဦးအောင်နိုင်ဦးကပြောသည်။

    ကချင်ပြည်နယ်တွင် ရင်းနှီးမြှုပ်နှံမှုများ ဝင်ရောက်ရန် နှောင့်နှေးရခြင်းမှာ နိုင်ငံရေးအခြေအနေများကြောင့်ဖြစ်ကြောင်း ၎င်းက ပြောသည်။

    “ဒါဘာလဲဆိုတော့ နိုင်ငံရေးမတည်ငြိမ်မှုရဲ့နောက်ကွယ်မှာ လုံခြုံရေးအရပါ မတည်ငြိမ်မှုတွေ ဖြစ်လာနိုင်တယ်။ ရင်းနှီးမြှုပ်နှံမှုတွေ တိုးလာဖို့ဆိုရင် လုံခြုံရေးကဏ္ဍနဲ့ နိုင်ငံရေးတည်ငြိမ်ဖို့က အရေးကြီးတယ်” ဟု ၎င်းက ပြောသည်။

    တိုင်းရင်းသားလက်နက်ကိုင်များအကြား ဖြစ်ပွားနေသည့် ပဋိပက္ခများကြောင့် ဒေသတွင်း မငြိမ်မသက်ဖြစ်နေသေးသည့် ရှမ်းပြည်နယ်သည် စီးပွားရေးလုပ်ငန်းများ လုပ်ကိုင်ရန်အတွက် အချက်အချာကျသည့် နယ်မြေဒေသဖြစ်သော်လည်း လက်ရှိ ဝင်ရောက်ဆဲဖြစ်သည့် ပမာဏမှာမူ အမေရိကန်ဒေါ်လာ ၁ ဘီလီယံပင် မပြည့်သေးပေ။

    ရှမ်းပြည်နယ်သည် နယ်မြေဧရိယာအားဖြင့်ကျယ်ဝန်းပြီး တောင်ကြီးနှင့် လားရှိုးမြိ့ကြီးများမှလွှဲလျှင် ကျန်နေရာများမှာ လမ်းပန်းဆက်သွယ်ရေးနှင့် ဈေးကွက်ခိုင်မာမှုအားနဲခြင်းတို့ကြောင့် စီးပွားရေးလုပ်ငန်းများ ဝင်ရောက်မှုအားနဲရခြင်း ဖြစ်ကြောင်း ဦးအောင်နိုင်ဦးကပြောသည်။

    သို့သော် မြေဧရိယာကျယ်ပြောခြင်းနှင့် သယံဇာတထွက်ရှိမှု အခြေအနေပေါ်မူတည်ပြီး ခရီးသွားလုပ်ငန်း၊ သတ္တုတူးဖော်ရေးနှင့် သန့်စင်ရေးလုပ်ငန်း၊ စိုက်ပျိုးရေးလုပ်ငန်း စသည့်နယ်ပယ်များမှာ နိုင်ငံခြားရင်းနှီးမြှုပ်နှံမှုအတွက် အလားအလာကောင်းများရှိကြောင်း ၎င်းကပြောသည်။

    “ရှမ်းပြည်နယ်မှာက အလားလာ အများကြီးရှိသော်လည်း ဒီအလားအလာတွေကို အပြည့်အဝ ထုတ်မသုံးနိုင်သေးဘူး။ ရှမ်းပြည်နယ်မှာရှိတဲ့ အလားအလာတွေကိုလဲ နိုင်ငံတကာ ရင်းနှီးမြှုပ်နှံသူတွေသိတာ အရမ်းနည်းသေးတယ်။ လွန်ခဲ့တဲ့ ၃ နှစ်က အစိုးရသစ်တက်လာခါစ ရှမ်းပြည်နယ်မှာသွားပြီး ရင်းနှီးမြှုပ်နှံမှုပြပွဲ လုပ်တယ်။ အဲဒီအချိန်မှာမှ နိုင်ငံခြားရင်းနှီးမြှုပ်နှံသူတွေက ရှမ်းပြည်မှာ ဒါတွေလုပ်လို့ရတယ်ဆိုတာ သိသွားတယ်” ဟု ၎င်းကပြောသည်။

    ပဋိပက္ခဖြစ်ပွားရာဒေသမဟုတ်သော်လည်း စားသုံးသူ ဈေးကွက်နှင့် လမ်းတံတားစသော အဓိကကျသည့် အခြေခံအဆောက်အအုံများ လိုအပ်နေသေးသည့် ချင်း၊ ကယားနှင့် ကရင်ပြည်နယ်များတွင်လည်း ရင်းနှီးမြှုပ်နှံမှုများ ဝင်ရောက်မှုမရှိသလောက်ဖြစ်နေသည်ကို ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေး ဝန်ကြီးဌာနက ထုတ်ပြန်ထားသော အချက်အလက်များအရ သိရသည်။

    ပုံမှန်အားဖြင့် နိုင်ငံခြားရင်းနှီးမြှုပ်နှံမှုအတွက် အခွန်ကင်းလွတ်ခွင့်ကို သုံးနှစ်အထိ ပေးထားသော်လည်း မဖွံ့ဖြိုးသေးသည့် ပြည်နယ်နှင့်တိုင်းဒေသကြီးများတွင် စီးပွားရေးလုပ်ငန်းများ ရင်းနှီးမြှုပ်နှံပါက အခွန်ကင်းလွတ်ခွင့်ကို ခုနှစ်နှစ်အထိ ပေးထားသည်။

    ဓာတ္ပုံ-peaceinsight.org


    ဧရာဝတီတိုင္းေဒသႀကီးရဲ႕အခြန္အေကာက္ရေငြ (၉)မ်ိဳးကေန ဘာသတင္းေတြလုပ္လို႔ရမလဲ

    ဧရာဝတီတိုင်းဒေသကြီးရဲ့အခွန်အကောက်ရငွေ (၉)မျိုးကနေ ဘာသတင်းတွေလုပ်လို့ရမလဲ
    ၁ ) နှစ်အလိုက် အခွန်အကောက်ရငွေ (၉) မျိုး စုစုပေါင်းရငွေ နှိုင်းယှဉ်ချက်အပေါ်သတင်းလုပ်လို့ရ
    ၂) ဧရာဝတီတိုင်းဒေသကြီးရငွေရဲ့ ဘယ်နှစ်ရာခိုင်နှုန်းကို ပါဝင်မှုရှိနေလဲ ဆိုတဲ့ အပေါ်
    ၃) အခွန်အကောက်ရငွေ(၉)မျိုးထဲမှာအများဆုံးပါဝင်နေတဲ့ အင်းအိုင်ခွန်အကြောင်း
    ၄) အင်းအိုင်ခွန်ရရှိမှု လျော့နည်းလာနိုင်ခြေရှိမလား ဘယ်လိုအခြေအနေတွေ ဘယ်လိုမူဝါဒတွေကြောင့်လဲ အခြားသော သက်ရောက်မှု ဘယ်လိုတွေရှိနိုင်မလဲ
    ၅) ယစ်မျိုးခွန်ရရှိမှုနှုန်က ဒုတိယအများဆုံးဖြစ်ပေမယ့် လိုင်စင်တွေအတိုင်းရရှိရဲ့လား ဒုတိယလူဦးရေအများဆုံးတိုင်းဒေသကြီးထဲမှာ ဘာကြောင့် အခွန်အကောက်ရငွေ (၉)မျိုးထဲကို ၂၀ ရာခိုင်နှုန်းပဲပါဝင်တာလဲ
    ၆) ဓာတ်သတ္တုခွန် ရရှိမှု အခြေအနေ နဲ့ သဘာဝပတ်ဝန်းကျင်ဆုံးရှုံးပျက်စီးမှုအခြေအနေထပ်တူကျရဲ့လား
    ၇) ဓာတ်သတ္တုခွန် ကောက်ခံရာမှာ တရားမဝင်တူးဖော်ထုတ်လုပ်သူတွေကြောင့် ဘာအခက်အခဲတွေရှိလဲ ဒေသတွင်း ပဋ္ဋိပက္ခ တွေ ဘာတွေဖြစ်လေ့ရှိလဲ
    ၈) သစ်တောများမှ ပစ္စည်းထုတ်ယူတဲ့အခွန်တွေကရော သေသေချာချာစီစစ်နိုင်ရဲ့လား တရားမဝင်ထွက်တာတွေရှိနေတာလား မလိုအပ်တဲ့ သစ်တောပြုန်းတီးမှုတွေ ခွင့်မပြုတဲ့နေရာတွေမှာ ထင်းမီးသွေးနှင့်လောင်စာတွေကို ထုတ်ယူတာတွေရှိနေလား
    ၉)တိုင်းဒေသကြီးအခွန်အကောက်ရငွေ တိုးချဲ့ရရှိဖို့ဆောင်ရွက်နေတာတွေဘာတွေရှိလဲ တစ်ကယ်အလုပ်ဖြစ်လား ဆိုတဲ့ သတင်းနှင့် သတင်းဆောင်းပါးတွေ ဖော်ထုတ်ရေးသားနိုင်ပါတယ်။
    ဆက်သွယ်ရနိုင်မည့် သတင်းရင်းမြစ်များ
    ဦးဌေးဝင်း
    စီမံကိန်းနှင့်ဘဏ္ဍာရေးဝန်ကြီး
    ဧရာဝတီတိုင်းဒေသကြီးအစိုးရအဖွဲ့
    ဝ၉-၂၅၄၁၂၆၁၃၇
    ဦးကျော်စိုးဝင်း
    ညွှန်ကြားရေးမှူး
    ဧရာဝတီတိုင်းဒေသကြီးရသုံးခန့်မှန်းခြေငွေစာရင်းဦးစီးဌာန
    ဝ၄၂-၂၃၆၃၁
    ဦးအောင်သူထွေး
    တိုင်းဒေသကြီးလွှတ်တော်ကိုယ်စားလှယ် ပုသိမ်မြို့နယ် မဲဆန္ဒနယ် (၂)
    ဥက္ကဌ
    ဧရာဝတီတိုင်းဒေသကြီးလွှတ်တော်ပြည်သူ့ငွေစာရင်း၊ဘဏ္ဍာရေးနှင့်စီးပွားရေးလုပ်ငန်းများဖွံ့ဖြိုးတိုးတက်မှုကော်မတီ
    ဝ၉-၇၉၁၉၁၅၁၇၅

    • ဦးဝင်းမြင့်လှိုင်
      ဥက္ကဌ
      ဧရာဝတီတိုင်းဒေသကြီးကုန်သည်များနှင့်စက်မှုလက်မှုလုပ်ငန်းရှင်များအသင်း
      ဝ၉-၈၅၅၀၇၉၈

    ၁ ) ႏွစ္အလိုက္ အခြန္အေကာက္ရေငြ (၉) မ်ိဳး စုစုေပါင္းရေငြ  ႏိႈင္းယွဥ္ခ်က္အေပၚသတင္းလုပ္လို႔ရ

    ၂) ဧရာဝတီတိုင္းေဒသႀကီးရေငြရဲ႕ ဘယ္ႏွစ္ရာခိုင္ႏႈန္းကို ပါဝင္မႈရွိေနလဲ ဆိုတဲ့ အေပၚ

    ၃) အခြန္အေကာက္ရေငြ(၉)မ်ိဳးထဲမွာအမ်ားဆံုးပါဝင္ေနတဲ့ အင္းအိုင္ခြန္အေၾကာင္း

    ၄) အင္းအိုင္ခြန္ရရွိမႈ ေလ်ာ့နည္းလာႏိုင္ေျခရွိမလား ဘယ္လိုအေျခအေနေတြ ဘယ္လိုမူဝါဒေတြေၾကာင့္လဲ အျခားေသာ သက္ေရာက္မႈ ဘယ္လိုေတြရွိႏိုင္မလဲ

    ၅) ယစ္မ်ိဳးခြန္ရရွိမႈႏႈန္က ဒုတိယအမ်ားဆံုးျဖစ္ေပမယ့္ လိုင္စင္ေတြအတိုင္းရရွိရဲ႕လား ဒုတိယလူဦးေရအမ်ားဆံုးတုိင္းေဒသႀကီးထဲမွာ ဘာေၾကာင့္ အခြန္အေကာက္ရေငြ (၉)မ်ိဳးထဲကို ၂၀ ရာခုိင္ႏႈန္းပဲပါဝင္တာလဲ

    ၆) ဓာတ္သတၱဳခြန္ ရရွိမႈ အေျခအေန နဲ႔ သဘာဝပတ္ဝန္းက်င္ဆံုးရံႈးပ်က္စီးမႈအေျခအေနထပ္တူက်ရဲ႕လား

    ၇) ဓာတ္သတၱဳခြန္ ေကာက္ခံရာမွာ တရားမဝင္တူးေဖာ္ထုတ္လုပ္သူေတြေၾကာင့္ ဘာအခက္အခဲေတြရွိလဲ ေဒသတြင္း ပ႗ိပကၡ ေတြ ဘာေတြျဖစ္ေလ့ရွိလဲ

    ၈) သစ္ေတာမ်ားမွ ပစၥည္းထုတ္ယူတဲ့အခြန္ေတြကေရာ ေသေသခ်ာခ်ာစီစစ္ႏိုင္ရဲ႕လား တရားမဝင္ထြက္တာေတြရွိေနတာလား မလိုအပ္တဲ့ သစ္ေတာျပဳန္းတီးမႈေတြ ခြင့္မျပဳတဲ့ေနရာေတြမွာ ထင္းမီးေသြးႏွင့္ေလာင္စာေတြကို ထုတ္ယူတာေတြရွိေနလား

    ၉)တုိင္းေဒသႀကီးအခြန္အေကာက္ရေငြ တိုးခ်ဲ႕ရရွိဖုိ႔ေဆာင္ရြက္ေနတာေတြဘာေတြရွိလဲ တစ္ကယ္အလုပ္ျဖစ္လား ဆိုတဲ့ သတင္းႏွင့္ သတင္းေဆာင္းပါးေတြ ေဖာ္ထုတ္ေရးသားႏိုင္ပါတယ္။

    ဆက္သြယ္ရႏိုင္မည့္ သတင္းရင္းျမစ္မ်ား

    ဦးေဌးဝင္း

    စီမံကိန္းႏွင့္ဘ႑ာေရးဝန္ႀကီး

    ဧရာဝတီတိုင္းေဒသႀကီးအစိုးရအဖြဲ႔

    ၀၉-၂၅၄၁၂၆၁၃၇

    ဦးေက်ာ္စိုးဝင္း

    ညႊန္ၾကားေရးမွဴး

    ဧရာဝတီတိုင္းေဒသႀကီးရသံုးခန္႔မွန္းေျခေငြစာရင္းဦးစီးဌာန

    ၀၄၂-၂၃၆၃၁

    ဦးေအာင္သူေထြး

    တိုင္းေဒသႀကီးလႊတ္ေတာ္ကိုယ္စားလွယ္ ပုသိမ္ၿမိဳ႕နယ္ မဲဆႏၵနယ္ (၂)

    ဥကၠဌ

    ဧရာဝတီတိုင္းေဒသႀကီးလႊတ္ေတာ္ျပည္သူ႔ေငြစာရင္း၊ဘ႑ာေရးႏွင့္စီးပြားေရးလုပ္ငန္းမ်ားဖြံ႔ၿဖိဳးတိုးတက္မႈေကာ္မတီ

    ၀၉-၇၉၁၉၁၅၁၇၅

    • ဦးဝင္းျမင့္လိႈင္

    ဥကၠဌ

    ဧရာဝတီတုိင္းေဒသႀကီးကုန္သည္မ်ားႏွင့္စက္မႈလက္မႈလုပ္ငန္းရွင္မ်ားအသင္း

    ၀၉-၈၅၅၀၇၉၈


    ဧရာဝတီတိုင်းဒေသကြီးထဲက ပြည်တွင်းအခွန်များဦးစီးဌာနက ကောက်ခံရရှိတဲ့ အခွန်ငါးမျိုးအပေါ်မှာဘာသတင်းတွေ လုပ်လို့ရမလဲ (Story Tips)

    ၁ အခွန်ငါးမျိုး ဘဏ္ဍာရေးနှစ်အလိုက်ကောက်ခံရရှိမှုအခြေအနေ စုစုပေါင်းပေါ်မှာ တိုးတက်လာတဲ့ ရာခိုင်နှုန်းအခြေအနေ
    ၂ ဘယ်လို မူဝါဒတွေနှင့် ဘယ်လိုရင်းနှီးမြုပ်နှံမှုတွေကြောင့် အခွန်ကောက်ခံရရှိမှုနှုန်းတိုးလာတာလဲ တိုးသင့်တိုးထိုက်တဲ့ ရာခိုင်နှုန်းဖြစ်ရဲ့လား
    ၃ အောင်ဘာလေသိန်းဆုခွန်က ကောက်ခံရရှိမှု ရာခိုင်နှုန်းအများဆုံးဖြစ်နေတာဘာကြောင့်လဲ တစ်နိုင်ငံလုံးမှာ လူဦးရေဒုတိယအများဆုံးတိုင်းဒေသကြီးမှာ ဒေသခံတွေရဲ့ မျှော်လင့်ချက်က ထီဖြစ်နေတာလား ဘယ်လိုအခြေအနေတွေကြောင့်လဲ
    ၄ တစ်နိုင်ငံလုံးမှာရှိတဲ့ တိုင်းဒေသကြီးပြည်နယ်တွေနဲ့ အောင်ဘာလေသိန်းဆုခွန်ရရှိမှု နှိုင်းယှဉ်ပြီး ထီဆုဆွတ်ခူးရရှိမှု နိုင်းယှဉ်ရေးသားမှုတွေ
    ၅ ဝင်ငွေခွန်ကောက်ခံရရှိမှု တိုးလာတဲ့ အနေအထားနှင့် တိုင်းဒေသကြီးအတွင်း အခွန်ပုန်းအခွန်ရှောင် ဖော်ထုတ်နိုင်မှုအခြေအနေ
    ၆ မြို့နယ်အလိုက် အခွန်ကောက်ခံရရှိမှုအခြေအနေနှင့် စီးပွားရေးလုပ်ငန်းတွေ တည်ရှိမှုအခြေအနေတွေကို နှိုင်းယှဉ်ပြီး ဝင်ငွေခွန်ရရှိမှု အပေါ် ထောက်ပြရေးသားမှုတွေ
    ၇ အခွန်ထမ်းသစ်ဖော်ထုတ်ဖို့ လုပ်နေတဲ့ လုပ်ငန်းစဉ်တွေရှိလား အောင်မြင်လား ဘယ်လိုတိုးတက်လာတာတွေ့ရလဲ ဆိုတာကို စောင့်ကြည့်ရေးသားမှုတွေ
    ၈ ကုန်သွယ်လုပ်ငန်းခွန် ကောက်ခံရရှိမှုနှင့် တိုးတက်လာတဲ့အခြေအနေ
    ၉ ဆိုင်တွေမှာ ကုန်သွယ်လုပ်ငန်းခွန် ဆောင်တာက ရောင်းအားအတိုင်းဆောင်နေကြပြီလား ကုန်သွယ်လုပ်ငန်းခွန်တံဆိပ်ခေါင်းကို ဝယ်ပြီးတော့ စားသုံးသူနှင့် နားလည်မှုယူပြီး ဘောင်ချာမပေးတာတွေကို ဘယ်လောက်စီစစ်နိုင်ပြီလဲ အခွန်ယဉ်ကျေးမှုကို ဖော်ဆောင်နိုင်ပြီလား
    ၁၀ ဆိုင်တွေမှာ ကပ်ထားတဲ့ အခွန်သတိပေးစာတွေအတိုင်း တစ်ကယ်လိုက်နာကြပြီလား အဲ့ဒါကို ဘယ်လိုစောင့်ကြည့်တဲ့ စနစ်တွေနဲ့ လုပ်ပြီး ဘယ်လောက်တိုးတက်နေပြီလဲ
    ၁၁ စားသောက်ဆိုင်ကြီးတွေ နှင့် ဈေးဝယ်ကုန်တိုက်ကြီးတွေမှာ စက်တွေနှင့် ပြေစာပေးတဲ့အခါမျိုးမှာ ကုန်သွယ်လုပ်ငန်းခွန်တံဆိပ်ခေါင်းကပ်ပေးတာတွေရှိသလို မကပ်ပေးဘဲ ပြေစာမှာ ကုန်သွယ်လုပ်ငန်းခွန် ဖြတ်တောက်ထားတာတွေက ဘယ်လိုလုပ်နေတာလဲ ပြည်တွင်းအခွန်ဦးစီးဌာနနဲ့ ဘယ်လိုချိတ်ဆက်ထားတာလဲ ချိတ်ဆက်မထားဘဲ စားသုံးသူဆီက ဖြတ်တောက်တာဆိုရင် စားသုံးသူအခွင့်အရေးချိုးဖောက်မှုဖြစ်နေတာလား
    ၁၂ အထူးကုန်စည်ခွန် ဥပဒေ အတိုင်း ၂၀၁၆ခုနှစ်ကနေ စပြီးကောက်ခံရရှိမှု တိုးတက်လာတဲ့အခြေအနေ
    ၁၃ လုပ်ငန်းရှင်တွေရဲ့ အထူးကုန်စည်ခွန် အပေါ်နားလည်မှုအခြေအနေ အရက်လိုင်စင်တွေက လိုင်စင်နဲ့မညီတဲ့ လုပ်ငန်းတွေပေါ်မှာ အထူးကုန်စည်ခွန်မပေးဆောင်ဘဲ ရှောင်နေတာတွေရှိနိုင်မလား
    ၁၄ တံဆိပ်ခေါင်းခွန် ကောက်ခံရရှိမှုအခြေအနေ တံဆိပ်ခေါင်းခွန်ဝယ်ယူအသုံးပြုတဲ့ အလေ့အထ ထွန်းကားလာပြီလား အရောင်းအဝယ် ငှားရမ်းတွေက နှစ်ဦးသဘောတူလက်သိပ်ထိုးလုပ်တာတွေကနေ တရားဝင်တံဆိပ်ခေါင်းခွန်ဆောင်ပြီး စာချုပ်မှတ်ပုံတင်တာမျိုးတွေ လုပ်လာပြီလား
    ၁၅ အခွန်ငါးမျိုးထဲမှာ ကောက်ခံရရှိမှု နှုန်းအနည်းဆုံးဖြစ်နေတဲ့ တံဆိပ်ခေါင်းခွန်ကို ဘယ်လိုနည်းနဲ့ ထပ်ပြီးတိုးကောက်လို့ရနိုင်ဦးမလဲ
    ဆက်သွယ်ရနိုင်မည့် သတင်းရင်းမြစ်များ
    ဦးဌေးဝင်း
    စီမံကိန်းနှင့်ဘဏ္ဍာရေးဝန်ကြီး
    ဧရာဝတီတိုင်းဒေသကြီးအစိုးရအဖွဲ့
    ဝ၉-၂၅၄၁၂၆၁၃၇
    ဦးကျော်ရဲထွန်း
    တိုင်းဒေသကြီးဦးစီးဌာနမှူး
    ဧရာဝတီတိုင်းဒေသကြီးပြည်တွင်းအခွန်များဦးစီးဌာန
    ဦးအောင်သူထွေး
    တိုင်းဒေသကြီးလွှတ်တော်ကိုယ်စားလှယ် ပုသိမ်မြို့နယ် မဲဆန္ဒနယ် (၂)
    ဥက္ကဌ
    ဧရာဝတီတိုင်းဒေသကြီးလွှတ်တော်ပြည်သူ့ငွေစာရင်း၊ဘဏ္ဍာရေးနှင့်စီးပွားရေးလုပ်ငန်းများဖွံ့ဖြိုးတိုးတက်မှုကော်မတီ
    ဝ၉-၇၉၁၉၁၅၁၇၅
    ဦးဝင်းမြင့်လှိုင်
    ဥက္ကဌ
    ဧရာဝတီတိုင်းဒေသကြီးကုန်သည်များနှင့်စက်မှုလက်မှုလုပ်ငန်းရှင်များအသင်း
    ဝ၉-၈၅၅၀၇၉၈


    Myanmar’s Urbanization

    ကမ္ဘာ့ဘဏ်ကထုတ်ဝေသော မြို့ပြဖြစ်ထွန်းမှုအစီရင်ခံစာ


    ဤအစီရင်ခံစာကို ကမ္ဘာ့ဘဏ်က ဇွန်လ ၆ ရက်တွင် ရန်ကုန်မြို့၌ အင်္ဂလိပ်ဘာသာဖြင့်ထုတ်ဝေခဲ့သည်။


    မြန်မာနိုင်ငံသည် မြို့ပြတွင်နေထိုင်သူသည် လူဦးရေ၏ ၃၀ ရာခိုင်နှုန်းသာရှိသေးသည်။ ဤပမာဏသည် အခြားသောနိုင်ငံများနှင့်နှိုင်းယှဉ်လျှင် အတော်လေးနည်းပါးလျက်ရှိပြီး မြို့ပြဖြစ်ထွန်းမှု၏ အစောပိုင်းကာလအဆင့်မျှသာရှိသေးသည့် သဘောဖြစ်သည်ဟု ကမ္ဘာ့ဘဏ်က ဆိုသည်။


    ထိုပြင် ယခုအချိန်သည် မြို့ပြဖွံ့ဖြိုးတိုးတက်မှုတွင် အားလုံးပါဝင်ပြီး ရေရှည်ဖွံ့ဖြိုးတိုးတက်မှုကိုအလေးထားသော မြို့ပြအုပ်ချုပ်မှုနှင့် ဖွံ့ဖြိုးတိုးတက်မှုကို အခြေခံအုတ်မြစ် ခိုင်ခိုင်မာမာချပေးရန် လိုအပ်သည့် အချိန်အခါဟုလည်း ဆိုသည်။


    အလုပ်အကိုင်ကြောင့် မြို့ပြများသို့ ရွေ့ပြောင်းသူသည် ၅၆ % ရှိပြီး အသေးစားလုပ်ငန်းများတွင် ဝင်ရောက်လုပ်ကိုင်လျက်ရှိကြသည်။ ရွေ့ပြောင်းလုပ်ကိုင်သူများ၏ ၇ % သာ စာချုပ်စာတမ်းဖြင့် အလုပ်လုပ်ကိုင်ကြခြင်းကြောင့် အမြတ်ထုတ်ရန်လွယ်ကူသည့် အခြေအနေဟုလည်းကမ္ဘာ့ဘဏ်က ထောက်ပြထားသည်။


    ကျူးကျော်များသည် ကလေးများကို ကျောင်းပို့ကြသော်လည်း ကလေးအသက် ၁၃ နှစ်ကျော်ပြီးနောက် ကျောင်းထွက်နှုန်းအလွန်များပြားသည်။ ကျူးကျော်နေထိုင်သူများသည် ရာဇဝတ်မှု၏ သားကောင်ဖြစ်ရသည်။ တရားဥပဒေစိုးမိုးရေးတွင် ရဲတပ်ဖွဲ့၏ တက်ကြွသော အခန်းကဏ္ဍကို မတွေ့ရှိရဟု ကမ္ဘာ့ဘဏ်ကဆိုထားသည်။


    ဤအစီရင်ခံစာနှင့်ပတ်သက်၍ သတိပြုရမည့်အချက်မှာ အချို့သောအချက်အလက်များသည် ၂၀၁၄ ခုနှစ် သန်းခေါင်စာရင်းကိန်းကဏန်းအပေါ် အခြေပြုကောက်ယူထားခြင်းဖြစ်ပြီး ယခုအခြေအနေနှင့် ကွာဟကောင်း ကွာဟနိုင်ခြင်းပင်ဖြစ်သည်။


    လိုအပ်သော အစီရင်ခံစာ မြန်မာ/အင်္ဂလိပ် သုံးအုပ်ကို အောက်ပါလင့်တွင် Download ရယူနိုင်ပါသည်။

    http://documents.worldbank.org/curated/en/807471559656318146/%20


    အသေးစားငွေရေးကြေးရေးလုပ်ငန်းတွေအတွက် ပြင်ဆင်သတ်မှတ်လိုက်တဲ့ အတိုးနှုန်းဖြစ်ပါတယ်။


    ပြင်ဆင်သတ်မှတ်လိုက်တဲ့ အတိုးနှုန်းအရ


    ချေးငွေအပေါ်အတိုးနှုန်း တစ်လ ၂.၃% (ယခင်အတိုးနှုန်း ၂.၅%) , တစ်နှစ် ၂၈% ထက်မပိုရန်။


    မဖြစ်မနေ စုဆောင်းငွေအပေါ်အတိုးနှုန်း တစ်လ ၁.၂%(ယခင်အတိုးနှုန်း ၁.၂၅%), တစ်နှစ် ၁၄ % ရာခိုင်နှုန်းအောက်မနည်းရန်။


    ဆန္ဒအလျောက်စုဆောင်းငွေအပေါ်အတိုးနှုန်း တစ်လ ၀.၈% , တစ်နှစ် ၁၀ % အောက်မနည်းရန်။
    အသေးစိတ်ကို အောက်ပါလင့်တွင် ဝင်ရောက်ကြည့်ရူနိုင်ပါတယ်။


    မြန်မာအပြည်ပြည်ဆိုင်ရာဆိပ်ကမ်းသီလဝါ(MITT)၏ ဆိပ်ကမ်းဝန်ဆောင်မှုလုပ်ငန်းများနှင့် သယ်ယူပို့ဆောင်ရေးဝန်ဆောင်မှုများအကြောင်း ရှင်းလင်းမိတ်ဆက်ပွဲ

    MITT ဆိပ်ကမ်း၏ ဝန်ဆောင်မှုနှင့်သယ်ယူပို့ဆောင်ရေးလုပ်ငန်းများအကြောင်း မိတ်ဆက်ပွဲကို ဘုရင့်နောင်ပွဲရုံဝင်း၊ ကုန်စည်ဒိုင်ခန်းမတွင် ကျင်းပပြုလုပ်မည်ဖြစ်သည်။

    ဆိပ်ကမ်းဆိုင်ရာအချက်အလက်တွေဟာ မေးရမြန်းရခက်တာမို့ ဒီပွဲကိုတက်ရောက်ကြည့်သင့်ပါတယ်။

    နေ့ရက်-၁၃.၆.၂၀၁၉(ကြာသပတေးနေ့) ဆက်သွယ်မေးမြန်းရန်ဖုန်း-099 77246700,099 77246785 အချိန်-နံနက် ၁၁:၃ဝနာရီ


    ၂၀၁၈ခုနှစ်၊ ဧရာဝတီတိုင်းဒေသကြီးရေချိုငါးလုပ်ငန်းဥပဒေအကြောင်း

    ဧရာဝတီတိုင်းဒေသကြီး ရေချိုငါးလုပ်ငန်းဥပဒေကို ၂၀၁၂ ခုနှစ်ကစတင်ပြဌာန်းခဲ့တာဖြစ်ပြီး ၂၀၁၃ ခုနှစ်မှာစကားလုံးတချို့ကိုဖြည့်စွက်တဲ့ ဥပဒေကိုပြဌာန်း ခဲ့ပါတယ်။ ယခု၂၀၁၈ခုနှစ်မှာ တော့ ၂၀၁၂ ခုနှစ် ဧရာဝတီတိုင်းဒေသကြီးရေချိုငါးလုပ်ငန်းဥပဒေတစ်ခုလုံးကိုဖျက်သိမ်းပြီး ဥပဒေသစ်ကိုရေးဆွဲပြဌာန်းခဲ့တာပါ။

    ၂၀၁ဝရွေးကောက်ပွဲပြီးတဲ့နောက်ပိုင်းပေါ်လာတဲ့ ပထမအကြိမ် ဧရာဝတီတိုင်းဒေသကြီးလွှတ်တော်က ၂၀၁၂ ဥပဒေအမှတ် (၂/၂၀၁၂)အဖြစ် ဧရာဝတီတိုင်းဒေသကြီး ရေချိုငါးလုပ်ငန်းဥပဒေကို စတင်ပြဌာန်းခဲ့တာပါ။
    ဒီဥပဒေမှာ
    (က)ငါးလုပ်ငန်းများပိုမိုဖွံ့ဖြိုးတိုးတက်လာစေရန်
    (ခ) ငါးမျိုးပြုန်းတီးမှုကိုကာကွယ်တားဆီးရန်
    (ဂ)ရေချိုငါးလုပ်ငန်းရေပြင်များ ပျက်ဆီးခြင်းမှာကာကွယ်စောင့်လျောက်ရန်
    (ဃ)တိုင်းဒေသကြီးအစိုးရကရသင့်ရထိုက်တဲ့အခွန်အခတွေရရှိရန်
    (င)ငါးလုပ်ငန်းများကိုဥပဒေနဲ့အညီစီမံခန့်ခွခြင်းနှင့်အရေးယူဆောင်ရွက်နိုင်စေရန်
    (စ)အများပြည်သူ ရေပေါ်ရေလျှံလုပ်သားများ၏စားဝတ်နေရေးအထောက်အကူပြုစေရန် တို့ကိုရည်ရွယ်ထားပါတယ်။

    အဲ့ဒီနောက်မှာ စကားလုံးတချို့ဖြည့်စွက်ထားတဲ့ ဧရာဝတီတိုင်းဒေသကြီး ရေချိုငါးလုပ်ငန်းဥပဒေကိုဖြည့်စွက်တဲ့ ဥပဒေကို ဧရာဝတီတိုင်းဒေသကြီးလွှတ်တော် ဥပဒေအမှတ် (၁/၂၀၁၃)ပြဌာန်းခဲ့ပါတယ်။

    ဒီပြဌာန်းခဲ့ဥပဒေမှာ ဥပဒေရဲ့အားနည်းချက်တချို့ကြောင့် လုပ်ငန်းရှင် အင်းသားကြီးတွေနဲ့ ရေလုပ်သားငယ်တွေကြား အင်းချောင်းတွေနဲ့ထိစပ်နေတဲ့ လယ်သမားတွေကြားမှာ မကြာခဏဆိုသလို ပဋိပက္ခတွေဖြစ်ပွားပြီး ထိခိုက်သေဆုံးတာတွေအထိရှိခဲ့ပါတယ်။

    ဒါ့ကြောင့် ၂၀၁၅ ရွေးကောက်ပွပြီးနောက် ပေါ်ပေါက်လာတဲ့ ဒုတိယအကြိမ် ဧရာဝတီတိုင်းဒေသကြီးလွှတ်တော်မှာ ဧရာဝတီတိုင်းဒေသကြီးရေချိုငါးလုပ်ငန်းဥပဒေပေါ်ပေါက်ရေးကြိုးပမ်းခဲ့ကြပါတယ်။ဥပဒေနဲ့အဓိကသက်ဆိုင်မယ့် လုပ်ငန်းရှင်အင်းသားကြီးတွေနဲ့ ရေလုပ်သားငယ်တွေပါဝင်တဲ့ ရေခ်ျုငါးလုပ်ငန်းဥပဒေရေးဆွဲရေးဆွေးနွေးပွဲတွေကို ခရိုင်အလိုက်ပြုလုပ်ခဲ့ပါတယ်။ ၂နှစ်အကြာ ၂၀၁၈ ခုနှစ်မှာတော့
    ဧရာဝတီတိုင်းဒေသကြီးလိ်ွတ်တော် ဥပဒေအမှတ် (၄/၂၀၁၈) နဲ့ ဧရာဝတီတိုင်းဒေသကြီး ရေချိုငါးလုပ်ငန်းဥပဒေအသစ်ကို ပြဋ္ဌာန်းနိုင်ခဲ့ပါတယ်။
    ဥပဒေအနေနဲ့
    (က)ငါးလုပ်ငန်းများနှင့် ရပ်ရွာအခြေပြုငါးလုပ်ငန်းအစုအဖွဲ့များစနစ်တကျ ပိုမိုဖွံ့ဖြိုးတိုးတက်လာစေရန်
    (ခ)ငါးမျိုးပြုန်းတီးခြင်းနှင့် ရေသယံဇာတပျက်ဆီးခြင်းမှာကာကွယ်တားဆီးရန်နှင့်တန်ဖိုးထားထိန်းသိမ်းစေရန်
    (ဂ)ရေချိုငါးလုပ်ငန်းရေပြင်နှင့် သဘာဝပတ်ဝန်းကျင်များပျက်စီးခြင်းမှကာကွယ်စောင့်ရှောက်ရန်
    (ဃ)တိုင်းဒေသကြီးအစိုးရက ရသင့်ရထိုက်သော်အခွန်အခများ ရရှိစေရန်
    (င)ငါးလုပ်ငန်းများကျု ဥပဒေနဲ့အညီစီမံခန့်ခွခြင်းနှင့် အရေးယူဆောင်ရွက်မှုပြုနိုင်ရန်
    (စ)အများပြည်သူနှင့်ရေလုပ်သားများ၏ စားဝတ်နေရေးအထောက်အကူပြုစေရန်
    (ဆ)ငါးသယံဇာတနှင့် ရေသယံဇာတများကို မျှတစွာ ခွဲဝေသုံးစွဲနိုင်စေဂန်ရည်ရွယ်ထားတယ်လို့ဆိုပါတယ်။

    ဥပဒေသစ်မှာတော့ အခန်း ၁၅ ခန်းပါဝင်ပြီး ရပ်ရွာအခြေပြုငါးဖမ်းလုပ်ငန်းအစုအဖွဲ့များဖွဲ့စည်းခြင်းနှင့်မှတ်ပုံတင်ခြင်း ဆိုတဲ့အခန်းတစ်ခန်းလည်းသီးသန့်ပါဝင်လာပါတယ်။ဒါ့အပြင် ဝန်ကြီးရဲ့လုပ်ပိုင်ခွင့်တွေ ပိုရှိလာစေမယ့်အချက်တွေလည်းပါဝင်လာပါတယ်။ ပြစ်ဒဏ်တွေမှာတော့ အရင် ဥပဒေမှာ ငွေဒဏ် အနိမ့်ဆုံးဒဏ်ငွေ ၁သောင်းနဲ့ အမြင့်ဆုံးဒဏ်ငွေ ၁သိန်းထိရှိရာကနေ ဥပဒေအသစ်မှာအနိမ့်ဆုံးငွေဒဏ် ၅ သောင်းနဲ့ အမြင့်ဆုံးဒဏ်ငွေ ငါးသိန်းအထိတိုးလာပါတယ်။ ထောင်ဒဏ်အနေနဲ့လည်း အရင်က အနိမ့်ဆုံး ထောင်ဒဏ် ၃ လထက်မပိုသောပြစ်ဒဏ် နဲ့ အမြင့်ဆုံး ၂နှစ်ထက်မပိုသသောပြစ်ဒဏ်ကနေ ဥပဒေသစ်မှာ အနိမ့်ဆုံပြစ်ဒဏ် ထောင်ဒဏ် ၆ လအထိနဲ့ အမြင့်ဆုံးပြစ်ဒဏ် ထောင်ဒဏ် ၃ နှစ်အထိတိုးလာပါတယ်။

    ဒီရေချိုငါးလုပ်ငန်းဖြစ်တဲ့ အင်းခွန်တွေကနေ နှစ်စဉ် ၅ ဘီလီယံဝန်းကျင်ကနေ ၆ ဘီလီယံနီးပါး တိုင်းဒေသကြီးရဲ့အခွန်ဘဏ္ဍာအနေနဲ့ ရရှိနေတာဖြစ်ပြီး အခွံဘဏ္ဍာအားလုံးရဲ့ ၅၅ ရာခိုင်နှုန်းဝန်းကျင်ရှိပါတယ်။


    ၂၀၁၈ခုနှစ် ၊ ဧရာဝတီတိုင်းဒေသကြီးရေချိုငါးလုပ်ငန်းဥပဒေကနေဘာသတင်းတွေရနိုင်မလဲ

    ၂၀၁၈ခုနှစ် ဧရာဝတီတိုင်းဒေသကြီးရေချိုငါးလုပ်ငန်းဥပဒေကို ဧရာဝတီတိုင်းဒေသကြီးလွှတ်တော် ဥပဒေအမှတ် (၄/၂၀၁၈) အဖြစ် ပြဌာန်းလိုက်ပါတယ်။ပြဌာန်းလိုက်တဲ့ ၂၀၁၈ ဧရာဝတီတိုင်းဒေသကြီး ရေချိုငါးလုပ်ငန်းဥပဒေနဲ့ ပတ်သက်ပြီး သတင်း၊ ဆောင်းပါး ထုတ်လုပ်ရေးသားနိုင်မယ့် အချက်အချို့ကို စုစည်းမျှဝေလိုက်ပါတယ်။

    အခြားတိုင်းဒေသကြီးနဲ့ပြည်နယ်တွေရဲ့ ရေချိုငါးလုပ်ငန်း ဥပဒေနဲ့ ဧရာဝတီတိုင်းဒေသကြီးရေချိုငါးလုပ်ငန်းဥပဒေနဲ့ ကွာခြားချက်ဘာတွေရှိလဲ။

    ဧရာဝတီတိုင်းဒေသကြီးက အခွန်အကောက်ရရှိမှု အခြေအနေအရ အင်းခွန်က အများဆုံးဖြစ်ပြီး ယစ်မျိုးခွန်က ဒုတိယအများဆုံးသာဖြစ်ပါတယ်။ တခြားတိုင်းဒေသကြီးနဲ့ပြည်နယ်တွေကတော့ ယစ်မျိုးခွန်က အများဆုံးရရှိနေတာပါ။

    ဧရာဝတီတိုင်းဒေသကြီးမှာအင်းပေါင်း ၁၇၇၇ အင်းရှိပြီး အခြားတိုင်းဒေသကြီးတွေက အင်းတွေနဲ့ယှဉ်ရင်အခွန်ရငွေရငွေဘယ်လိုရှိနေလဲ။

    ဧရာဝတီတိုင်းဒေသကြီးရေချိုငါးလုပ်ငန်းဥပဒေသစ်အရ အစိုးရက အစုအဖွဲ့ပိုင်းအင်းတွေတိုးချလာတဲ့အတွက် အခွန်ရရှိမှုအပြောင်းအလဲတွေဘယ်လိုရှိမလဲ။

    ဥပဒေသစ်မှာ လုပ်ငန်းရှင်အင်းသားကြီးတွေ ၊ရပ်ကွက်ကျေးရွာအခြေပြုရေလုပ်ငန်းအစုမဖွဲ့တွေ၊ ရေလုပ်သားငယ်တွေ၊ရေပေါ်ရေလျှံရေလုပ်သားတွေ လုပ်ငန်းလုပ်ကိုင်ရတာအဆင်ပြေသလား။

    အရင်ဥပဒေဟောင်းတုံးက ပဋိပက္ခဖြစ်ပွားမှုတွေမှာ ဥပဒေသစ်မှာ လျော့နည်းသွားပြီလား ၊ပပြောက်သွားပြီလား။

    ဆက်သွယ်မေးမြန်းရမည့်သတင်းရင်းမြစ်များ

    ဦးတင်အောင်ဝင်း (စိုက်ပျိုးရေး၊မွေးမြူရေး၊သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီး)09250347779

    ဦးစန်းမောင် (ပန်းတနော်-၁ တိုင်းဒေသကြီးလွှတ်တော်ကိုယ်စားလှယ်)(စိုက်ပျိုးရေးမွေးမြူရေး ဆည်မြောင်းနှင့် သယံဇာတရေးရာကော်မတီ ဥက္ကဋ္ဌ) 09258317171

    ဒေါ်သီတာ (ကျုံပျော် -၁ တိုင်းဒေသကြီးလွှတ်တော်ကိုယ်စားလှယ်) 09974292717

    ဒေါ်နီနီမိုး (ညောင်တုန်း ၁ တိုင်းဒေသကြီးလွှတ်တော်ကိုယ်စားလှယ်)09794489440

    ဦးသက်ကိုလေး (မအူပင် ၂ တိုင်းဒေသကြီးလွှတ်တော်ကိုယ်စားလှယ်) 09793216080


    မွန်ပြည်နယ် လွှတ်တော်မှာ တင်သွင်းမေးမြန်းခဲ့သော မေးခွန်းနှင့် အဆို အခြေအနေ


    ၂၀၁၆ ခုနှစ် ဖေဖော်ဝါရီမှ စတင်ခဲ့သည့် ဒုတိယအကြိမ် မွန်ပြည်နယ် လွှတ်တော်သည် ယခုဆိုလျှင် သုံးနှစ်ကျော် ကာလကို ရောက်ရှိခဲ့ပြီ ဖြစ်သည်။ ထိုသုံး နှစ် တာကာလအတွင်းမှာ ပုံမှန် အစည်းအဝေး ၁၃ ကြိမ်၊ အထူး အစည်းအဝေး တစ် ကြိမ် အရေးပေါ်အစည်းအဝေး တစ်ကြိမ် ကျင်းပနိုင်ခဲ့သည်။


    ကျင်းပခဲ့သည့် အစည်းအဝေးများတွင် ကြယ်ပွင့်ပြ မေးခွန်းပေါင်း ၄၃၇ ခု၊ အဆို ၄၈ ခု တင်သွင်း မေးမြန်းခဲ့သည်။ အတည်ပြုအဆို ၃၉ ခု၊ မှတ်တမ်းတင် အဆို ၅ ခု၊ အတည်မပြု အဆို ၄ ခု ရှိနေသည်။


    မွန်ပြည်နယ် လွှတ်တော်နှင့် ပတ်သက်သည့် သတင်းအချက်အလက်များကို http://www.monhluttaw.com/ တွင်လည်း ဝင်ရောက် လေ့လာနိုင်သည်။


    မွန်ပြည်နယ်၏ ခရီးသွားဧည်သည့် ဝင်ရောက်မှု အခြေအနေ


    မွန်ပြည်နယ်သည် သမိုင်းဝင် ဆံတော်ရှင် ကျိုက်ထီးရိုး စေတီ အပါအဝင် ကိုလိုနီခေတ် အဆောက်အဦးများ၊ ထုံးကျောက်ဂူ၊ ရေပူစမ်း၊ ကမ်းခြေများ ရှိနေသည့် ပြည်နယ် တစ်ခု ဖြစ်သည်။


    သို့သော်လည်း ပြည်တွင်း၊ပြည်ပ ခရီးသွားဝင်ရောက်မှု အခြေအနေမှာ နှစ်အလိုက် လျော့ကျလာသည့် အနေအထား တစ်ရပ် ဖြစ်နေသည်။


    မွန်ပြည်နယ် ဟိုတယ်နှင့် ခရီးသွားညွှန်ကြားမှု ဦးစီးဌာန၏ စာရင်းများအရ ပြည်တွင်းပြည်ပ ခရီးသွား ဧည်သည်မှာ ၂၀၁၆ တွင် ၂၂ ဒသမ ၈ သိန်း၊ ၂၀၁၇ တွင် ၃၂ ဒသမ ၁ သိန်း၊ ၂၀၁၈ တွင် ၂၀ သိန်းကျော်၊ ၂၀၁၉ မေအထိ ၁၂ သိန်းကျော်သာ ဝင်ရောက်ထားသည်။


    ပြည်တွင်း ခရီးသွား ဧည်သည်မှ ဝင်ငွေ ရရှိမှုမှာလည်း ၂၀၁၈ တွင် ကျပ်သိန်းပေါင်း ၁၂၇၈၅ ဒသမ ၂၂ ရှိခဲ့သော်လည်း ၂၀၁၉ မေလအထိ ကျပ်သိန်းပေါင်း ၁၀၈၁၄ ဒသမ ၀၂ သာ ရရှိထားသည်။
    ပြည်ပ ခရီးသွား ဧည်သည်မှ ၂၀၁၈ တွင် အမေရိကန်ဒေါ်လာ ၅ သိန်း ခန့်ရှိခဲ့သော်လည်း ၂၀၁၉ မေလအထိ အမေရိကန်ဒေါ်လာ သုံး သိန်းကျော်သာ ရရှိထားသည်။


    လက်ရှိမှာတော့ ပြည်နယ်အစိုးရအဖွဲ့မှ ခရီးသွား လုပ်ငန်း ဖွံ့ဖြိုးလာစေရေးအတွက် ရေးမြို့နယ်တွင် ကဗျာဝ ကမ်းခြေ၊ ကျိုက်မရောတွင် ရေပူကော့စပ်၊ ဖားပေါင်းဂူတို့ကို ဖော်ထုတ်ရန် ကြိုးပမ်းနေသည်။


    မွန်ပြည်နယ် ခရီးသွား ဝင်ရောက်မှု အခြေအနေအပါအဝင် ခရီးစဉ် ဖော်ထုတ်မှုများကို ပြည်နယ် ဟိုတယ်နှင့် ခရီးသွား ညွှန်ကြားမှု ဦးစီးဌာန ဒုတိယ ညွှန်ကြားရေးမှူး ဦးသန်းထွဋ်ခိုင် ဖုန်း ၀၉၅၆၆၀၆၄၈ ထံ ဆက်သွယ်မေးမြန်းနိုင်သည်။


    မွန်ပြည်နယ်မှာ ရော်ဘာစိုက်တောင်သူများကို ချေးငွေ ထုတ်ပေးရန် စီစဉ်နေ


    မွန်ပြည်နယ်သည် ရော်ဘာ စိုက်ဧကပေါင်း ငါးသိန်း ကျော်ရှိနေသည့် ပြည်နယ် တစ်ခု ဖြစ်သည်။ သို့သော်လည်း ရော်ဘာ ကဏ္ဍဖွံ့ဖြိုးရေးအတွက် ကျွမ်းကျင်လုပ်သား၊ နည်းပညာအပါအဝင် ချေးငွေများလည်း လိုအပ်နေသည်။


    ရော်ဘာချေးငွေ ရရှိရေးအတွက်လည်း ရော်ဘာစိုက်တောင်သူများက မွန်ပြည်နယ် အစိုးရထံ ပြီးခဲ့သည့် နှစ်ကုန်ပိုင်းက တင်ပြတောင်းဆိုထားသည်။


    ထိုကြောင့် ရော်ဘာစိုက်တောင်သူ အဆင်ပြေစေဖို့အတွက် ထုတ်လုပ်မှုစရိတ် ရော်ဘာချေးငွေကို ထုတ်ချေးပေးနိုင်ရန် စီစဉ်နေပြီးဟု မြန်မာ့လယ်ယာဖွံ့ဖြိုးရေး ဘဏ်ခွဲ၊ မွန်ပြည်နယ်ထံမှ သိရသည်။
    ရော်ဘာချေးငွေ အမြန်ဆုံး ထုတ်ပေးနိုင်ဖို့အတွက် မေလကုန်မှာ မွန်ပြည်နယ် ရော်ဘာကဏ္ဍ ဖွံ့ဖြိုးရေး ကော်မတီ အစည်းအဝေး တစ်ရပ် ခေါ်သွားဖို့ ရှိနေပြီး၊ အစည်းအဝေးပြီးပါက ရရှိလာသော အချက်အလက်များကို စီမံကိန်းနှင့် ဘဏ္ဍာရေး ဝန်ကြီးဌာနအပြင် မြန်မာ့လယ်ယာဖွံ့ဖြိုးရေးဘဏ်ကိုလည်း တင်ပြသွားဖို့ ရှိနေသည်။


    ချေးငွေ ထုတ်ပေးသည့် နေရာမှာ ရော်ဘာစိုက်သူများက တစ်ဧက ကျပ်သိန်း တစ် သိန်းမှ တစ်သိန်းခွဲ အထိ ထုတ်ချေးပေးဖို့နှင့် ခြံရှင်တစ်ဦးကို အများဆုံး ၁၀ ဧကအထိ ထုတ်ချေးပေးဖို့ တောင်းဆိုထားသည်။


    မွန်ပြည်နယ်သည် လက်ရှိမှာ ရော်ဘာ ကျွမ်းကျင် အလုပ်သမား ရှားပါးမှုကြောင့် ရော်ဘာစိုက်ဧက ငါး သိန်းကျော်အနက် နှစ် သိန်းခန့်မှာ အစေးခြစ်ပဲ ရပ်နားထားရသည်။
    ရော်ဘာချေးငွေ ထုတ်ပေးရန် စီစဉ်နေမှုနှင့် ပတ်သက်ပြီး မြန်မာ့လယ်ယာဖွံ့ဖြိုးရေး ဘဏ်ခွဲ၊ မွန်ပြည်နယ် မန်နေဂျာ ဦးကျော်စွာလှိုင် ဖုန်း 09459840401 ကို ဆက်သွယ်မေးမြန်း၍ အချက်အလက် ရယူနိုင်သည်။


    မွန်ပြည်နယ် လွှတ်တော်က အတည်ပြုထားသည့် ဥပဒေအကြောင်း သိကောင်းစရာ


    ၂၀၀၈ ဖွဲ့စည်းပုံ အခြေခံဥပဒေဇယား(၂)အရ မွန်ပြည်နယ် လွှတ်တော်မှ ပြဌာန်းလိုက်သည့် ဥပဒေ ၂၁ ခုအထိ ရှိနေသည်။
    ဥပဒေ ၂၁ ခုတွင် ပထမအကြိမ် မွန်ပြည်နယ် လွှတ်တော် သက်တမ်းမှာ ၁၈ ခု၊ ဒုတိယအကြိမ်မွန်ပြည်နယ် သက်တမ်း (ယနေ့) အထိ ၃ ခုကို အတည်ပြု ပြဌာန်းနိုင်ခဲ့သည်။
    တည်ပြုထားသည့် ဥပဒေများမှာ
    ၁။ မွန်ပြည်နယ်အတွင်း ပုဂ္ဂလိကယာဉ်များ စနစ်တကျ ပြေးဆွဲရေး ဥပဒေ
    ၂။ မွန်ပြည်နယ် ယစ်မျိုးခွန် ဥပဒေ
    ၃။ မွန်ပြည်နယ် မြေယာခွန် ဥပဒေ
    ၄။ မွန်ပြည်နယ် ကုန်တင်ကုန်ချလုပ်ငန်း ဥပဒေ
    ၅။ မွန်ပြည်နယ် မီးဘေးနှင့် သဘာဝဘေး အန္တရာယ်ကြိုတင်ကာကွယ်ရေး ဥပဒေ
    ၆။ မွန်ပြည်နယ် ဇာတ်ရုံများ ကြီးကြပ်ရေး ဆိုင်ရာ ဥပဒေ
    ၇။ မွန်ပြည်နယ် ဂုဏ်ထူးဆောင်လက်မှတ်နှင့် ဂုဏ်ထူးဆောင်ဆု ပစ္စည်းများ ချီးမြှင့်ခြင်း ဥပဒေ
    ၈။ မွန်ပြည်နယ် ကျေးရွာထင်းစိုက်ခင်း ဥပဒေ
    ၉။ မွန်ပြည်နယ် ယဉ်ကျေးမှု အမွေအနှစ်များ ကာကွယ်ထိန်းသိမ်းရေး ဥပဒေ
    ၁၀။ မွန်ပြည်နယ် ပုဂ္ဂလိကပိုင် ရေယာဉ်များ စနစ်တကျပြေးဆွဲရေး ဥပဒေ
    ၁၁။ မွန်ပြည်နယ် မြေဩဇာများ စနစ်တကျ ထုတ်လုပ်သုံးစွဲရေးဥပဒေ
    ၁၂။ မွန်ပြည်နယ် ဆားနှင့် ဆားထွက်ပစ္စည်း ဥပ။ေ
    ၁၃။ မွန်ပြည်နယ် ငါးလုပ်ငန်း ဥပဒေ
    ၁၄။ မွန်ပြည်နယ် လမ်းများ တံတားများ ဥပဒေ
    ၁၅။ မွန်ပြည်နယ် တိုင်းရင်းဆေးဝါး ဥပဒေ
    ၁၆။ မွန်ပြည်နယ် တိရစ္ဆာန်မွေးမြူရေးနှင့် စနစ်တကျ ထိန်းကျောင်းရေး ဥပဒေ
    ၁၇။ မွန်ပြည်နယ် အိမ်တွင်း စက်မှုလက်မှု လုပ်ငန်များ ဥပဒေ
    ၁၈။ မွန်ပြည်နယ် အပန်းဖြေစခန်းများ၊ တိရစ္ဆာန်ဥယျာဉ်နှင့် ရုက္ခဗေဥယျာဉ် ဥပဒေ
    ၁၉။ မွန်ပြည်နယ် အလတ်စားနှင့် အသေးစား ပုဂ္ဂလိက လျှပ်စစ်ဓါတ်အား ထုတ်လုပ် ဖြန့်ဖြူးရေးဆိုင်ရာ ဥပဒေ
    ၂၀။ မွန်ပြည်နယ် စည်ပင်သာယာရေး ဥပဒေ
    ၂၁။ မွန်ပြည်နယ် စည်ပင်သာယာရေးဆိုင်ရ အခွန်၊ အခ၊အကောက်များ ဥပဒေ။
    ဒုတိယအကြိမ်မွန်ပြည်နယ် သက်တမ်းမှာ ပြဌာန်းထားသည့် ဥပဒေ သုံး ခုမှာ မွန်ပြည်နယ် အလတ်စားနှင့် အသေးစား ပုဂ္ဂလိက လျှပ်စစ်ဓါတ်အား ထုတ်လုပ် ဖြန့်ဖြူးရေးဆိုင်ရာ ဥပဒေ၊ မွန်ပြည်နယ် စည်ပင်သာယာရေး ဥပဒေ၊ မွန်ပြည်နယ် စည်ပင်သာယာရေးဆိုင်ရ အခွန်၊ အခ၊အကောက်များ ဥပဒေ တို့ပဲ ဖြစ်သည်။
    မွန်ပြည်နယ်လွှတ်တော်ဆိုင်ရာ ဥပဒေများနှင့် ပတ်သက်လျှင် မွန်ပြည်နယ် လွှတ်တော် ဒုတိယ ဥက္ကဋ္ဌ ဒေါက်တာ အောင်နိုင်ဦး၊ ဖုန်း 09459005003 ၊ ဥပဒေပြုရေး ဆိုင်ရာ ကော်မတီ ဥက္ကဋ္ဌ ဒေါ်ခိုင်ခိုင်လဲ့ ဖုန်း 09254195558 တို့ကို ဆက်သွယ် မေးမြန်းနိုင်သည်။ ဥပဒေများကိုလည်း http://www.monhluttaw.com/ ဝက်ဆိုဒ်များ ဝင်ရောက် လေ့လာနိုင်သည်။


    ဧရာဝတီတိုင်းဒေသကြီးမွေးမြူရေးကဏ္ဍ လုပ်ငန်းမျှော်မှန်းချက်နှင့် မွေးမြူရေးနဲ့သက်ဆိုင်တဲ့ တိုင်းဒေသကြီးဥပဒေ


    ဧရာဝတီတိုင်းဒေသကြီး ထဲမှာ မွေးမြူရေးကဏ္ဍနှင့်ပတ်သတ်ပြီး တိရိစ္ဆာန်ကောင်ရေ အရေအတွက်၊ ဒေသမျိုးရင်းတွေ တည်ရှိနေမှုနှင့် မွေးမြူရေးကဏ္ဍအလားအလာတွေပေါ်မူတည်ပြီး မွေးမြူရေးနှင့် ကုသရေးဦးစီးဌာနက လုပ်ဆောင်နေတဲ့လုပ်ငန်းတွေရှိပါတယ်။
    အဲဒီလို ဌာနက လုပ်ဆောင်ပေးတဲ့ လုပ်ငန်းတွေအပေါ်မှာမူတည်ပြီး အားနည်းချက်၊ အားသာချက်တွေနှင့် အခွင့်အလမ်းတွေ ၊ အဟန့်အတားတွေကလည်းရှိနေပြန်ပါတယ်။
    အဲဒီလိုအခြေအနေပေါ်မှာ ထားရှိတဲ့ မျှော်မှန်းရလဒ်တွေ ထွက်ရှိအောင် မွေးမြူရေးနှင့်ကုသရေးဦးစီးဌာနက လုပ်ဆောင်နေရတာတွေရှိနေပါတယ်။
    ဧရာဝတီတိုင်းဒေသကြီး ထဲမှာ မွေးမြူရေးနှင့်ကုသရေးဦးစီးဌာနအနေနှင့် ပြည်ထောင်စုဘဏ္ဍာရန်ပုံငွေ၊တိုင်းဒေသကြီးဘဏ္ဍာရန်ပုံငွေနှင့် ပြည်တွင်းပြည်ပအဖွဲ့အစည်းတွေရဲ့ ထောက်ပံ့ငွေတွေ နှင့် အကောင်အထည်ဖော်ဖို့က ၂၀၂၀-၂၀၂၁အထိ လျာထားတဲ့လုပ်ငန်းတွေနှင့်သုံးစွဲတဲ့ပမာဏသတ်မှတ်တာတွေကလည်းရှိနေပါတယ်။
    အဲဒီတော့ ဧရာဝတီတိုင်းဒေသကြီးမွေးမြူရေးကဏ္ဍအတွက် အဓိက လုပ်ဆောင်နေရတဲ့ ဌာနရဲ့ လုပ်ငန်းတွေနှင့် မျှော်မှန်းချက်တွေကို သိရှိပြီး သတင်းနှင့်သတင်းဆောင်းပါးတွေအတွက် အထောက်အကူပြုနိုင်စေဖို့ စုစည်းပေးလိုက်ရပါတယ်။
    ၂၀၀၈ခုနှစ် ဖွဲ့စည်းပုံအခြေခံဥပဒေ ဇယား ၂ တိုင်းဒေသကြီးနှင့်ပြည်နယ်ဥပဒေပြုစာရင်းထဲမှာ မွေးမြူရေးကဏ္ဍနှင့်ပတ်သတ်ပြီး ပြည်ထောင်စုကပြဌာန်းသည့်ဥပဒေနှင့်အညီ တိရစ္ဆာန်မွေးမြူရေးနှင့် စနစ်တကျ ထိန်းကျောင်းရေး ဆိုတဲ့ အချက်ပါဝင်ပါတယ်။
    ၂၀၁၅ခုနှစ် ဖေဖော်ဝါရီလ မှာ ဧရာဝတီတိုင်းဒေသကြီးလွှတ်တော်ကနေ ပြဌာန်းထားတဲ့ ဧရာဝတီတိုင်းဒေသကြီး တိရစ္ဆာန်မွေးမြူရေးနှင့် စနစ်တကျထိန်းကျောင်းရေးဥပဒေ မှာ အခန်း ၁၃ခန်းပါဝင်ပြီး ပုဒ်မ ၃၁ခု ပါဝင်ပါတယ်။
    အဲ့ဒီဥပဒေမှာ စီးပွားဖြစ်တိရစ္ဆာန်မွေးမြူရေးလုပ်င န် း တွေအတွက် မွေးမြူရေးလုပ်ငန်းမှတ်ပုံတင်လက်မှတ်လျှောက်ထားရ စီစစ်ခွင့်ပြုတာတွေ ပြုလုပ်ပေးဖို့ပါဝင်ပြီး အမိန့် ညွှန်ကြားချက် စည်းမျဉ်းစည်းကမ်းတစ်ရပ်ရပ်ကို ဖောက်ဖျက်တာနှင့် လိုက်နာဖို့ပျက်ကွက်ပါက စီမံခန့်ခွဲရေးနည်းလမ်းအရ အရေးယူနိုင်ဖို့ ကိုလည်း ထည့်သွင်းရေးဆွဲထားပါတယ်။
    အဲ့ဒီအပြင် တားမြစ်ချက်တွေလည်းပါဝင်ပြီး တားမြစ်ချက်တွေကို ဖောက်ဖျက်ကျူးလွန်ပါကလည်း ထောင်ဒဏ်ခြောက်လကနေ နှစ်နှစ်အထိနှင့် ငွေဒဏ်ငါးသောင်းကနေ တစ်သိန်းထက်မပိုတဲ့ ငွေဒဏ်တို့ကို ပြစ်ဒဏ်တစ်ခုချင်းဖြစ်စေ ဒဏ်နှစ်ရပ်လုံးဖြစ်စေ ချမှတ်ရမယ်လို့ ပြဌာန်းထားပါတယ်။
    အဲ့ဒီဥပဒေနဲ့ အရေးယူတဲ့ နေရာမှာလည်း ရဲအရေးပိုင်တဲ့ပြစ်မှုအဖြစ်သတ်မှတ်အရေးယူဖို့ကိုလည်း တိုင်းဒေသကြီးဥပဒေမှာပြဌာန်းထားပါတယ်။
    လိုအပ်တဲ့အချက်အလက်နဲ့ ဥပဒေတွေကို အောက်မှာ Download ရယူနိုင်ပါတယ်။


    ပထမအကြိမ်ဧရာဝတီတိုင်းလွှတ်တော်တွင်တင်သွင်းခဲ့သည့် စီမံကိန်းများ

    ၂၀၁၅ ရွေးကောက်ပွဲပြီးတဲ့နောက် လွှတ်တော်အလွှဲအပြောင်းတွေမလုပ်ခင် ပထမအကြိမ် ဧရာဝတီတိုင်းဒေသကြီးလွှတ်တော်ရဲ့ နောက်ဆုံးအစည်းအဝေးမှာ ဝန်ကြီးချုပ်ဟောင်းဦးသိန်းအောင်ဦးဆောင်ခဲ့တဲ့ ဧရာဝတီတိုင်းဒေသကြီးအစိုးရက စီမံကိန်း ၇ ခုကိုလွှတ်တော်မှာတင်သွင်းခဲ့တာပါ။ လွှတ်တော်ကတော့ ကိုယ်စားတွေရဲ့သဘောတူညီချက်နဲ့ လွှတ်တော်မှာမှတ်တမ်းတင်ထားရှိခဲ့ပါတယ်။

    အဲ့ဒီစီမံကိန်းတွေကတော့
    ၁။ Ayeyarwaddy Resort and Villa Developement
    ၂။ မအူပင်စက်မှုဇုံစီမံကိန်း
    ၃။ ပုသိမ်စက်မှုမြို့တော်စီမံကိန်း
    ၄။ မြကျွန်းသာအိမ်ရာစီမံကိန်း
    ၅။ ပလက်တီနမ်အိမ်ရာစီမံကိန်း
    ၆။ Super Axis Projects (ပုသိမ်ရေနက်စီမံကိန်း)
    ၇။ Danson Bay Area Project

    တွေဖြစ်ပါတယ်။

    Super Axis Projects စီမံကိန်းနဲ့ Danson Bay Area Projects စီမံကိန်း နှစ်ခုကလွဲရင်ကျန်တဲ့စီမံကိန်းတွေကတော့ ဧရာဝတီတိုင်းအတွင်းအကောင်အထည်ဖော်နေပါပြီ။ ဒီစီမံကိန်းနှစ်မှာ နိုင်ငံတကာအဆင့်မီရေနက်ဆိပ်ကမ်းစီမံကိန်း ၊ မြို့သစ်စီမံကိန်း ၊ နိုင်ငံတကာလေဆိပ်စီမံကိန်း ၊ အဆင့်မြင့် လေးလမ်းသွားအဝေးပြေးလမ်းမနဲ့ ဂထားလမ်းစီမံကိန်း ၊ ရေနံချက်စက်ရုံ ၊ Power Plant တွေလည်းပါဝင်တဲ့ ပြည်ထောင်စုအဆင့်စီမံကိန်းတွေပါ။ ဒါ့ကြောင့် ဒီစီမံကိန်းတွေအကောင်အထည်ဖော်ဖို့နဲ့ပတ်သက်ပြီး Project Bank မှာထည့်သွင်းထားပြီး ပြည်ထောင်စုကရွေးချယ်အတည်ပြုမယ်ဆ်ုရင်တော့ အကောင်အထည်ဖော်ဆောင်ရွက်သွားမယ်လို့ ဧရာဝတီတိုင်းဒေသကြီး စီမံဘဏ္ဍာဝန်ကြီး ဦးဌေးဝင်းကပြောပါတယ်။

    ကျန်ရှိတဲ့ စီမံကိန်း ၅ ခုကလည်း အကောင်အထည်ဖော်ဆဲပဲရှိပါသေးတယ်။ ဒီစီမံကိန်းတွေနဲ့ ပတ်သက်ပြီးအသေးစိတ်အချက်အလက်တွေကိုတော့ PDF ဖိုင်မှာ လေ့လာနိုင်ပါတယ်။


    Insustry 4.0 in Myanmar

    (မြန်မာဘာသာ)
    Leapfrogging across sectors and how to overcome the barriers!
    Insustry 4.0 ဆိုတာ မြန်မာနိုင်ငံမှာတော့ လူသိနည်းပါသေးတယ်။ SMEs တွေကို ကောက်ယူတဲ့စာရင်းအရဆိုရင် Insustry 4.0 ကို သိသူက ၈ % ပဲ ရှိပါတယ်။


    ဒါပေမယ့် မြန်မာနိုင်ငံအတွက် အားငယ်စရာမရှိပါဘူး။


    နိုင်ငံတကာမှာ black and white TV ၊ ပြီးတော့ colour Tv ဆိုပြီး သုံးစွဲခဲ့ကြပါတယ်။ ပြီးတော့ ကြိုးဖုန်း၊ ကီးပတ်နဲ့စမတ်ဖုန်းဆိုပြီး အစဉ်လိုက်သုံးခဲ့ကြတာပါ။


    မြန်မာနိုင်ငံမှာတော့ အဖြူအမည်း တီဗီကိုကျော်ပြီး ကာလာတီဗီကို သုံးခဲ့ကြတယ်။ အဖြူအမည်းတီဗီကိုတော့ လူနည်းစုကပဲ သုံးနိုင်ခဲ့တယ်။ လူအများစုကတော့ ကာလာတီဗီကို တန်းပြီး သုံးစွဲနိုင်ခဲ့ကြတယ်။ ဒီလိုပဲ ဖုန်းတွေမှာလည်းကြိုးဖုန်းကို ပိုက်ဆံရှိတဲ့ လူအနည်းစုကပဲ သုံးနိုင်ခဲ့တယ်။ စမတ်ဖုန်းကိုတော့ လူအများစုက သုံးနိုင်ခဲ့တယ်။ ဒီလိုခုန်ပျံကျော်လွှားတာကို Leapfrogging လို့ဆိုပါတယ်။ တရွေ့ရွေ့မသွားဘဲ ဖားခုန်ခုန်ပြီး တိုးတက်လာတဲ့သဘောပေါ့။


    မြန်မာနိုင်ငံမှာ အခြေခံအဆောက်အဦအားနည်းချက်တွေ အများကြီးရှိပေမယ့် Leapfrogging ဖြစ်ပြီး Insustry 4.0 ကို အရောက်သွားနိုင်ပါတယ်လို့ ဒီစာတမ်းကဆိုပါတယ်။


    ဒီအခွင့်အလမ်းကို ဘယ်လိုသွားမလဲ။ အစိုးရရဲ့ အခန်းကဏ္ဍက ဘယ်လိုရှိပြီး ပုဂ္ဂလိက ကဏ္ဍက ဘာတွေလုပ်ရမလဲ။ Insustry 4.0 ကပေးမယ့် အကျိုးအမြတ်တွေက ဘာတွေဖြစ်မလဲ။
    Insustry 4.0 ရဲ့ သဘောတရားတွေက ဘာတွေလဲ။


    လူသိနည်းတဲ့ကိစ္စတွေဖြစ်ပြီး ခေတ်ရှေ့ပြေးတဲ့ စီးပွားရေးသတင်းထောက်တွေအတွက်တော့ မဖြစ်မနေ ဖတ်ရူသင့်တဲ့ စာတမ်းပဲဖြစ်ပါတယ်။


    အပြည့်အစုံကို အောက်ကလင့်မှာ Download ရယူနိုင်ပါတယ်။
    ဒီစက္ကူစာတမ်းကို ၂၀၁၉ မေလအတွင်းက ထုတ်ပြန်ခဲ့တာပါ။


    The State of South East Asia 2019 Survey Report

    ၂၀၁၉ ခုနှစ်မှာ ထွက်ရှိလာတဲ့ အရှေ့တောင်အာရှနိုင်ငံများသီးသန့် စစ်တမ်းဖြစ်ပါတယ်။


    စိတ်ဝင်စားဖွယ်ကောင်းတဲ့အချက်တွေအနေနဲ့ကတော့ ရခိုင်ဒေသကို အာဆီယံနိုင်ငံတွေက ဘယ်လိုရူမြင်ကြလဲ။ တရုတ်-အမေရိကန် ကုန်သွယ်ရေးစစ်ပွဲကို အာဆီယံနိုင်ငံတွေက ဘယ်လိုရူမြင်ခဲ့ကြလဲ။ ကိုယ့်နိုင်ငံရဲ့ အခက်အခဲတွေက ဘာတွေလို့ ထင်နေကြလဲ။


    အမေရိကန်သမ္မတ ထရမ့်လက်ထက်မှာ အာဆီယံနိုင်ငံတွေအပေါ် မူဝါဒက ဘယ်လိုရှိလဲ။


    ဒါ့အပြင် ဒေသတွင်းစီးပွားရေးကို အာဆီယံနိုင်ငံတွေက ဘယ်လိုသုံးသပ်ထားကြလဲ အစရှိတဲ့ ကိစ္စတွေကို အသေးစိတ် ဖတ်ရူနိုင်မှာဖြစ်ပါတယ်။


    အသေးစိတ်ကိုတော့ အောက်ကလင့်မှာ Download ရယူနိုင်မှာပါ။


    မော်တော်ယာဉ်လုပ်ငန်းဆိုင်ရာ မူဝါဒ

    စက်မှုဝန်ကြီးဌာနက ၂၀၁၉ မေလအတွင်းထုတ်ပြန်ခဲ့တဲ့ မော်တော်ယာဉ်လုပ်ငန်းဆိုင်ရာ မူဝါဒဖြစ်ပါတယ်။


    ၂၀၁၁ မှာ ယာဉ်စီးရေ ၃၆၅၀၀၀ ရှိရာကနေ ၂၀၁၅ ခုနှစ်မှာ ၇၁၂၀၀၀ ရှိလာပါတယ်။ ဒါဟာ ၂၀၁၂ ခုနှစ် မော်တော်ယာဉ်တင်သွင်းမှုမူဝါဒတွေကို လျော့ချပေးလိုက်လို့ပါ။ ၂၀၂၀ မှာရော ယာဉ်စီးရေ ဘယ်လောက်ရှိလာမယ်လို့ အစိုးရက ခန့်မှန်းထားပါသလဲ။


    မော်တော်ယာဉ်လုပ်ငန်းဆိုင်ရာ မူဝါဒမှာ NLD အစိုးရရဲ့ မော်တော်ယာဉ်လုပ်ငန်းဆိုင်ရာ Vision ၊ Mission တွေကို မြင်ရမှာပါ။ မော်တော်ယာဉ်လုပ်ငန်းများ ဖွံ့ဖြိုးတိုးတက်ရေး လမ်းပြမြေပုံကိုလည်း ဖော်ပြထားပြီး ကာလတို၊ ကာလလတ် ၊ ကာလရှည်ဆိုင်ရာ မျှော်မှန်းချက်တွေကိုလည်း တွေ့မြင်နိုင်မှာပါ။


    ဒါ့အပြင် မူဝါဒဆိုင်ရာ အကြံပြုချက်တွေလည်း ပါဝင်ပါတယ်။


    အပြည့်အစုံကို အောက်ကလင့်မှာ Download ရယူနိုင်ပါတယ်။


    အရပ်ဘက်အဖွဲ့အစည်းများရဲ့ သွယ်ဝိုက်ကုန်ကျစရိတ်ကို လေ့လာဆန်းစစ်ခြင်း


    မြန်မာနိုင်ငံမှာရှိတဲ့ အရပ်ဘက်အဖွဲ့အစည်းတွေကို စိတ်ဝင်စားတဲ့သူတွေအတွက် လေ့လာသင့်တဲ့ အစီရင်ခံစာတစ်ခုပါ။ ဒီလိုအဖွဲ့အစည်းတွေကို သုတေသနပြုမှုတွေဟာ ရှားပါးပြီး စီးပွားရေးသတင်းထောက်တွေအတွက်တော့ တကယ်ကို အသုံးဝင်မယ့် အစီရင်ခံစာလို့ပဲ ညွှန်းဆိုပါရစေ။


    ဒီအစီရင်ခံစာကတော့ အရပ်ဘက်အဖွဲ့အစည်းတွေရဲ့ မြို့နယ်အဆင့် သွယ်ဝိုက်ကုန်ကျစရိတ်တွေကို လေ့လာဆန်းစစ်ထားတာဖြစ်ပါတယ်။


    အရပ်ဘက်အဖွဲ့အစည်းတွေရဲ့ သွယ်ဝိုက်ကုန်ကျစရိတ်ဆိုတာဘာလဲ။ အဲဒီကုန်ကျစရိတ်တွေကို ဘယ်ကနေရရှိကြလဲ။ ဘယ်လောက်ရရှိလဲ။ အဲဒီကုန်ကျစရိတ်ကို ဘယ်လိုကိုင်တွယ် သုံးစွဲနေလဲ။


    အရပ်ဘက်အဖွဲ့အစည်းတွေမှာ စီမံကိန်းအတွက်မဟုတ်တဲ့ အခြားရန်ပုံငွေတွေရှိသလား။ သွယ်ဝိုက်ကုန်ကျစရိတ်ကို ဘယ်လိုလျာထားသုံးစွဲကြလဲ။ သွယ်ဝိုက်ကုန်ကျစရိတ်တွေကို သုံးစွဲဖို့ ဘယ်လိုဆုံးဖြတ်ကြလဲ။ ဒါတွေကို ဒီအစီရင်ခံစာမှာ တွေ့ရှိရမှာပါ။ အစီရင်ခံစာကိုတော့ ၂၀၁၉ ခုနှစ် ဧပြီလအထဲမှာ ထုတ်ပြန်ခဲ့တာပဲ ဖြစ်ပါတယ်။


    အစီရင်ခံစာအပြည့်အစုံကို အောက်ကလင့်မှာ Download ရယူနိုင်ပါတယ်။


    ပဲခူးတိုင်းဒေသကြီး စာရင်းစစ်ချုပ်အစီရင်ခံစာ


    ၂၀၁၇-၂၀၁၈ ပဲခူးတိုင်းဒေသကြီးစာရင်းစစ်ချုပ်အစီရင်ခံစာပဲဖြစ်ပါတယ်။ ဒီအစီရင်ခံစာကို ပဲခူးတိုင်းဒေသကြီး စာရင်းစစ်ချုပ်ရုံးက ပဲခူးတိုင်းဒေသကြီး လွှတ်တော်ကို မေလ ၂၈ ရက်မှာ တင်ပြခဲ့တာပါ။


    အရင်ကတော့ စာရင်းစစ်ချုပ်အစီရင်ခံစာဆိုတာ ဖတ်ရူနိုင်ဖို့ ခက်ခဲပါတယ်။ သတင်းထောက်တွေက လွှတ်တော်ကိုယ်စားလှယ်တွေနဲ့ ရင်းနှီးမှသာ ရရှိတာပါ။ လွှတ်တော်မတက်တဲ့ သတင်းထောက်အဖို့တော့ ရရှိဖို့က နည်းနည်းခက်ခဲပါတယ်။


    စာရင်းစစ်ချုပ်အစီရင်ခံစာနဲ့ပတ်သက်ရင် ရန်ကုန်တိုင်းဒေသကြီး စာရင်းစစ်ချုပ်အစီရင်ခံစာက နာမည်ကြီးပါတယ်။ ဘာ့ကြောင့်လဲဆိုတော့ အဲဒီအစီရင်ခံစာထဲမှာ ပြည်သူ့ဘဏ္ဍာငွေနစ်နာမှုတွေကို တွေ့ရှိပြီး ထောက်ပြနိုင်ခဲ့ကြလို့ပါ။


    တိုင်းဒေသကြီးနှင့်ပြည်နယ် လွှတ်တော်တွေဟာ ဒေသတွင်းမီဒီယာတွေရဲ့ မီးမောင်းထိုးမှုကလွဲရင် ရန်ကုန်ကမီဒီယာတွေရဲ့မျက်စိအောက်က ပျောက်ကွယ်နေတာ ကြာပါပြီ။ ဒါ့ကြောင့် ဒီအစီရင်ခံစာကိုလည်း လေ့လာကြည့်သင့်ပါတယ်။

    အစီရင်ခံစာအပြည့်အစုံကို အောက်ကလင့်မှာ Download ရယူနိုင်ပါတယ်။


    Page 1 of 41234
Hit Counter
Banda Post