၂၀၁၉ တွင် မြန်မာဟာ GDP တိုးတက်မှု စံချိန်တင်ပြီး စီးပွားရေးတိုးတက်မှု အမြင့်ဆုံး ရှိနေဦးမယ်လို့ ဆိုလိုက်တဲ့ အစီရင်ခံစာ

/ /

မြန်မာနိုင်ငံ၏ စီးပွားရေးကဏ္ဍအတွင်း နိုင်ငံတကာမှ ရင်းနှီးမြှုပ်နှံသူများ အတွက် အခွင့်အလမ်းများ ပိုမိုပေါ်ပေါက်လာစေရန် ပြုပြင်ပြောင်းလဲမှုများအား ရည်ရွယ်လုပ်ဆောင်လျက်ရှိပြီး အဆိုပါ ပြုပြင်ပြောင်းလဲမှုများမှတဆင့် ရင်းနှီးမြှုပ်နှံမှုများ ပိုမိုရရှိလာစေရန်နှင့် macroeconomics ပိုင်းဆိုင်ရာ စိန်ခေါ်မှုများအား လျော့ချနိုင်ရန် မြန်မာနိုင်ငံ၏ အားထုတ်ကြိုးပမ်းမှုများ အကြောင်းနှင့် ပတ်သက်၍ နိုင်ငံတကာ သုတေသနနှင့် အတိုင်ပင်ခံလုပ်ငန်း ဖြစ်သည့် Oxford Business Group (OBG) မှ ထုတ်ဝေသည့် အစီရင်ခံစာ အသစ်တွင် အသေးစိတ် ဖော်ပြထားပါတယ်။

ထူးခြားချက် အနေနဲ့ ပြည်တွင်း ပြည်ပမှ ဖိအားများရှိနေတာ မှန်ပေမယ့် မြန်မာနိုင်ငံအနေနှင့် ၂၀၁၉ ခုနှစ်အတွင်း အသာတင်ကုန်ထုက်လုပ်မှုတန်ဖိုး စံချိန်တင် မြင့်တက်လာဖွယ် ရှိနေပြီး အာဆီယံဒေသအတွင်း စီးပွားရေးဖွံးဖြိုးတိုးတက်မှု အမြင့်ဆုံးနိုင်ငံ ဂုဏ်ပုဒ်ကို ဆက်လက်ထိန်းသိမ်းနိုင်ဖွယ် ရှိနေတယ် ဆိုထားတာ တွေ့ရမှာပါ။

လက်ရှိ မြန်မာနိုင်ငံမှာ စီးပွားရေးတိုးတက်နေလား ဆိုတဲ့အချက်ကို ပေတံ နှစ်မျိုး နဲ့ တိုင်းတာနေကြတာ တွေ့ရပြီး အစိုးရ အနေနဲ့  Macroeconomics နဲ တိုင်းတာ တွက်ချက်တာ တွေ့ရပြီး လုပ်ငန်းရှင်တွေကတော့ Microeconomics နဲ့ တိုင်းတာ ပြောဆိုနေကြပါတယ်။ အလားတူ ကမာ္ဘ့ဘဏ်လို နိုင်ငံတကာ အဖွဲ့အစည်းတွေ အထူးသဖြင့် အစိုးရကို ကူညီပေးနေတဲ့ အဖွဲ့အစည်းတွေက မြန်မာ့စီးပွားရေး တိုးတက်ကောင်းမွန်လာနေကြောင်း ဆိုကြတာ များပါတယ်။

လက်ရှိ Oxford Business Group က ထုတ်ဝေတဲ့ အစီရင်ခံစာမှာလည်း မြန်မာနိုင်ငံဟာ ပြုပြုင်ပြောင်းလဲမှုတွေ ထပ်မံပေါ်ထွက်လာဖွယ်ရှိပြီး စီးပွားကဏ္ဍာဟာ ၂၀၁၉ ခုနှစ်အတွင်းမှာ တိုးတက်လာနေမယ် လို့ ဆိုပါတယ်။ တကယ်ကော ၂၀၁၉ ခုနှစ်မှာ စီးပွားရေး ပြန်လည်ကောင်းမွန်လာနိုင်မလား ဆိုတာ ရေးသားဖို့ ကောင်းတဲ့ဆောင်းပါး တစ်ပုဒ် ဖြစ်ပါတယ်။

နောက်တချက် မြန်မာစီးပွားရေး မကောင်းဘူး။ ကျဆင်းလာနေတယ်ဆိုတဲ့ အပြောအဆို အများစုဟာ လုပ်ငန်းရှင်တွေဆီက လာတာ ဖြစ်တယ်။ လုပ်ငန်းရှင် အများစုဟာ ကိုယ်ပိုင်လုပ်ငန်း တစ်ခုတည်းအပေါ် အခြေခံပြီး ပြောတာမို့ ရာနူန်းပြည့် မှန်ကန်တယ်လို့ ပြောလို့ မရပါ။ မြန်မာ့စီးပွားရေးကို တိုင်းတာတဲ့ ပေတံဟာ စီးပွားရေး ပညာရှင်တွေသာ ဖြစ်သင့်သလို သူတို့ ပြောဆိုချက်တွေနဲ အစိုးရ ထုက်ပြန်ချက်တွေဟာ တိုင်းတာမှုအပေါ်မှာ ထိရောက်သော ပေတံများ ဖြစ်တယ် ဆိုပါရစေ။

Oxford Business Group ရဲ့ ၂၀၁၉ မြန်မာ့စီးပွားရေး အစီရင်ခံစာထဲမှာ  ပါတဲ့ ထူးခြားချက်ကတော့ ၂၀၁၈ ခုနှစ်၊ ဩဂုတ်လတွင် စတင်အသက်ဝင်ခဲ့သည့် မြန်မာနိုင်ငံကုမ္ပဏီများ ဥပဒေ၊ အခွန်ကောက်ခံမှုစနစ် အတွင်း ဖြစ်ပေါ်ခဲ့သည့် ပြောင်းလဲမှုများနှင့် အထူးစီးပွားရေးဇုန် (special economic zones) များ ဆက်လက် ဖွံ့ဖြိုးတိုးတက်လာမှု အစရှိသည့် နိုင်ငံ၏ စီးပွားရေးကဏ္ဍ ပိုမိုကောင်းမွန်လာစေရန်နှင့် ပုဂ္ဂလိကကဏ္ဍ၏ ဆောင်ရွက်မှုများ ပိုမို အားကောင်းလာစေရန် ရည်ရွယ်လုပ်ဆောင်လျက်ရှိသည့် မြန်မာနိုင်ငံ၏ ခြေလှမ်းများကိုလည်း The Report: Myanmar 2019 အစီရင်ခံစာတွင် ထည့်သွင်းဖော်ပြထားပါတယ်။

အသေးစိတ်အား ပူးတွဲပါ သတင်းထုတ်ပြန်ချက်တွင် ဖတ်ရှုနိုင်ပါသည်။

Press Release_The Report Myanmar 2019_EN
Press Release_The Report Myanmar 2019_MM

Facebook Comments