မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှုစီမံကိန်း (MSDP) ထုတ်ပြန်

/ /

စင်ကာပူနိုင်ငံမှာ ပြုလုပ်ခဲ့တဲ့ ဒေါ်အောင်ဆန်းစုကြည်၏ ဟောပြောပွဲနဲ့ နေပြည်တော်မှာ August လအတွင်းကပြုလုပ်ခဲ့တဲ့ စီးပွားရေးလုပ်ငန်းရှင်တွေနဲ့ ဒေါ်အောင်ဆန်းစုကြည် တွေ့ဆုံပွဲမှာ ထည့်သွင်းပြောကြားခဲ့တဲ့ MSDP စီမံကိန်းကို စီမံကိန်းနှင့်ဘဏ္ဍာရေးဝန်ကြီးဌာနက ထုတ်ပြန်လိုက်ပါတယ်။

မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှုစီမံကိန်း (Myanmar Sustainable Development Plan) ဟာ လက်ရှိအစိုးရရဲ့ တိုင်းပြည်ဖွံ့ဖြိုးရေးလမ်းပြမြေပုံဖြစ်ပြီး အစိုးရအဖွဲ့ရဲ့ ဝန်ကြီးဌာနအလိုက် ရေးဆွဲအကောင်အထည်ဖော်နေတဲ့ မဟာဗျူဟာစီမံကိန်းတွေ၊ တိုင်းဒေသကြီးနဲ့ ပြည်နယ် အစိုးရအဖွဲ့တွေရဲ့ ဒေသဖွံ့ဖြိုးရေးဆိုင်ရာ အကောင်အထည်ဖော်ဆောင်ရွက်နေတဲ့ စီမံကိန်းတွေအားလုံးကို ချိတ်ဆက်အကောင်အထည်ဖော်မယ့် နိုင်ငံအဆင့် စီမံကိန်းဖြစ်ပါတယ်။

ဒီ MSDP ကို ၂၀၁၈ ခုနှစ်ကနေ ၂၀၃ဝ ခုနှစ်အထိ ရည်မှန်းရေးဆွဲထားတာဖြစ်ပြီး အာဆီယံနဲ့ ကုလသမဂ္ဂ ဖွံ့ဖြိုးရေးရည်မှန်းချက်တွေနဲ့အညီ ဖြစ်အောင်ပါ ဆောင်ရွက်သွားဖို့ ရည်ရွယ်ထားတာပါ။

မြန်မာ့ဖွံ့ဖြိုးရေးအဖွဲ့အစည်း (Myanmar Development Institute) က MSDP ကို ကမကထပြုဦးဆောင်တဲ့အဖွဲ့အစည်းဖြစ်ပြီး အစိုးရရဲ့ ဘဏ္ဍာရေးမူဝါဒတွေကို အကြံဉာဏ်ပေးနေတဲ့ Renaissance Institute လည်း ရေးဆွဲမှုမှာ ပူးပေါင်းပါဝင်ခဲ့ပါတယ်။

ဒါ့အပြင် တိုင်းဒေသကြီးနဲ့ ပြည်နယ်တွေမှာ အရပ်ဖက်လူ့အဖွဲ့အစည်းတွေ၊ စီးပွားရေးလုပ်ငန်းရှင်တွေ၊ သက်ဆိုင်ရာကဏ္ဍအလိုက်တာဝန်ရှိသူတွေနဲ့ ပြည်သူလူထု ပါဝင်တဲ့ ဆွေးနွေးမှုတွေ လုပ်ဆောင်ခဲ့ပါတယ်။

ဒီ MSDP မှာ မဏ္ဍိုင်ကြီး ၃ ရပ်၊ ပန်းတိုင် ၅ ရပ်၊ မဟာဗျူဟာ ၂၈ ချက်နဲ့ ဒါတွေကို အကောင်အထည်ဖော်ဆောင်ရွက်မယ့် လုပ်ငန်းအစီအစဉ် ၂၅၁ ချက် ပါဝင်ပါတယ်။

ဒီ မဏ္ဍိုင်ကြီး ၃ ရပ်ကနေ ပန်းတိုင် ၅ ရပ်ဖစ်တဲ့ အမျိုးသားပြန်လည် ရင်ကြားစေ့ရေးနဲ့ ကောင်းမွန်တဲ့ အုပ်ချုပ်ရေး၊ စီးပွားရေးတည်ငြိမ်ရေးနဲ့ ကောင်းမွန်တဲ့မက်ခရို စီမံမှု၊ အလုပ်အကိုင် ဖန်တီးရေးနဲ့ ပုဂ္ဂလိကဦးဆောင်တဲ့ စီးပွားရေးတိုးတက်မှု၊ လူစွမ်းအား အရင်းအမြစ်နဲ့ လူမှုရေးဆိုင်ရာ ဖွံ့ဖြိုးမှု၊ သဘာဝသယံဇာတနဲ့ ပတ်ဝန်းကျင်သာယာဝပြောရေး စတဲ့ ရည်မှန်းချက်တွေကို အကောင်အထည်ဖော် ဆောင်ရွက်ဖို့ ရေးဆွဲထားတာ ဖြစ်ပါတယ်။

စီမံကိန်းအကြောင်းအပြည့်အစုံကို မြန်မာ၊ အင်္ဂလိပ် နှစ်ဘာသာဖြင့် အောက်ပါလင့်ခ်တွင် ရယူနိုင်ပါသည်။

Banda Post မှ ယခင်တင်ပြပေးဖူးသော Myanmar Sustainable Development Plan ကိုလည်း ပြန်လည်ပူးတွဲဖော်ပြပေးလိုက်ပါတယ်

Myanmar Sustainable Development Plan

Facebook Comments