Law & Policy

    မွန်ပြည်နယ် စည်ပင်သာယာရေး ဥပဒေအကြောင်း သိကောင်းစရာ

    တတိယအကြိမ် ပြင်ဆင်သည့် မွန်ပြည်နယ် စည်ပင်သာယာရေး ဥပဒေကို ၂၀၁၇ ခုနှစ် ဇွန်လ ၂၂ ရက်မှာ မွန်ပြည်နယ် လွှတ်တော်၌ အတည်ပြု ပြဌာန်းခဲ့သည်။
    ဥပဒေတွင် အခန်းပေါင်း (၂၁) ခန်း၊ ပုဒ်မပေါင်း ၁၀၅ ခုအထိ ပါဝင်လာသည်။ ယခု ပြင်ဆင်လိုက်သည့် ဥပဒေအရ မြို့နယ် စည်ပင်သာယာရေး ကော်မတီကို ပြည်သူလူထု၏ ဆန္ဒမဲဖြင့် ရွေးကောက်တင်မြှောက်ရမည် ဖြစ်သည်။
    ဥပဒေအရ မွန်ပြည်နယ် စည်ပင်သာယာရေး ကော်မတီကို အဖွဲ့ဝင် ၁၂ ဦးဖြင့် ဖွဲ့စည်းထားပြီး၊ ကော်မတီတွင် ဥက္ကဋ္ဌ အဖြစ် မွန်ပြည်နယ် စည်ပင်သာယာရေး ဝန်ကြီးက တာဝန်ယူ ရမည်ဖြစ်ကာ အတွင်းရေးမှူး တာဝန်ကို မွန်ပြည်နယ် စည်ပင်သာယာရေးအဖွဲ့ ညွှန်ကြားရေးမှူးမှ ထမ်းဆောင်ရမည်ဖြစ်သည်။
    ကျန် အဖွဲ့ဝင် ၁၀ ဦးမှာ မြို့နယ် စည်ပင်သာယာကော်မတီ ဥက္ကဋ္ဌများ ဖြစ်သည်။ မြို့နယ် ကော်မတီကိုမူ အဖွဲ့ဝင် ရှစ် ဦးဖြင့် ဖွဲ့စည်းထားသည်။ ယခု ပြင်ဆင်ထားသော ဥပဒေအရ မြို့နယ် ကော်မတီ ဥက္ကဋ္ဌနှင့် အဖွဲ့ဝင် လေး ဦးကို ပြည်သူများက ရွေးချယ်ရ မည်ဖြစ်သည်။ ထိုသို့ ရွေးချယ်ရာတွင် အိမ်ထောင်စုများ၏ ဆန္ဒမဲဖြင့် ရွေးကောက် တင်မြှောက်ရမည်ဖြစ်သည်။
    ကျန်ရှိသည့် အဖွဲ့ဝင် နှစ် ဦးမှာ ပြည်နယ် အစိုးရအဖွဲ့မှ ပေးပို့လာသော ဒုတိယမြို့နယ် အုပ်ချုပ်ရေးမှူး တစ်ဦးနှင့် ကျေးလက် ဒေသဖွံ့ဖြိုးရေး ဦးစီးဌာန ဒုတိယ ဦးစီးမှူး တစ်ဦး ပါဝင်သည်။ မြို့နယ် စည်ပင်သာယာကော်မတီ၏ အမှုဆောင်အရာရှိမှာ ဥပဒေအရ အတွင်းရေးမှူး ဖြစ်သည်။
    ဥပဒေ၏ ပုဒ်မ ၉၂ နှင့် ၉၃ တို့ကို ရဲအရေးပိုင်သော ပုဒ်မများအဖြစ် သတ်မှတ်ထားသည်။ မည်သို့ပင်ဖြစ်စေ သတင်းသမားများအနေဖြင့် ပြန်လည် ပြင်ဆင်ထားသော ဥပဒေအရ မြို့နယ် စည်ပင်သာယာရေး ကော်မတီ ရွေးကောက်ပွဲကို ပြည်နယ် အစိုးရအနေဖြင့် မဖြစ်မနေ လုပ်ဆောင်ရမှာ ဖြစ်သော်လည်း ယနေ့အချိန်အထိ ရွေးကောက်ပွဲ လုပ်ဆောင်နိုင်ခြင်း မရှိသေးသော အခြေအနေကို စုံစမ်း ရေးသားနိုင်သည်။
    မွန်ပြည်နယ် စည်ပင်သာယာရေး ဥပဒေ အသေးစိတ်ကို အောက်ပါ link ၌ ဝင်ရောက် ဖတ်ရှု့လေ့လာနိုင်သည်။

    http://www.monhluttaw.com/wp-content/uploads/2015/03/Si-Pin.pdf


    ဧရာဝတီတိုင်းဒေသကြီးရဲ့၂၀၁၈-၂၀၁၉ဘဏ္ဍာနှစ်ဒေသန္တရစီမံကိန်းဥပဒေ

    ဧရာဝတီတိုင်းဒေသကြီးရဲ့ ၂၀၁၈-၂၀၁၉ခုနှစ်ဒေသန္တရစီမံကိန်းတွေရဲ့ အရေးကြီးတဲ့ရည်မှန်းချက်ကတော့ စုစုပေါင်းဝန်ဆောင်မှုနှင့်ထုတ်လုပ်မှုတန်ဖိုး (GDP) ကို ပုံမှန်ဈေးနှုန်းအရ ၆.၂ရာခိုင်နှုန်းတိုးတက်ဖို့ မျှော်မှန်းထားပါတယ်။

     

    ပုံမှန်ဈေးနှုန်းဆိုတာ အခြေခံနှစ် ၂၀၁၅-၂၀၁၆ ဘဏ္ဍာနှစ်မှာ ဖြစ်ပေါ်ခဲ့တဲ့ ကုန်ပစ္စည်းနဲ့ ဝန်ဆောင်မှုတွေရဲ့ ဈေးနှုန်းတွေ ကိုခေါ်တာပါ။ကဏ္ဍအလိုက်တိုးတက်မှုနှုန်းတွေအနေနဲ့ ကတော့ ပုံမှန်ဈေးနှုန်းအရ ရာခိုင်နှုန်းအလိုက်တိုးတက်ဖို့ကိုလည်း ၂၀၁၈-၂၀၁၉ဘဏ္ဍာရေးနှစ် ဒေသန္တရစီမံကိန်းဥပဒေမှာခန့်မှန်းထားပါတယ်။

    နှစ်အလိုက်ဈေးနှုန်းဆိုတာက သက်ဆိုင်ရာ ဘဏ္ဍာရေးနှစ်အလို်က် ဖြစ်ပေါ်တဲ့ ကုန်ပစ္စည်းနဲ့ ဝန်ဆောင်မှုများရဲ့ဈေးနှုန်းကိုခေါ်တာ ပါ။နှစ်အလိုက်ဈေးနှုန်းတွေအရ ရင်းနှီးမြုပ်နှံမှုတွေမှာ နိုင်ငံပိုင်အခန်းကနေ ငွေကျပ်၁၀၁.၃၄၅ဘီလီယံ ကို ဧရာဝတီတိုင်းဒေသကြီးထဲမှာ ရင်းနှီးမြုပ်နှံသွားဖို့ရှိနေပါတယ်။

    ဧရာဝတီတိုင်းဒေသကြီးရဲ့ စုစုပေါင်းထုတ်လုပ်မှုနှင့်ဝန်ဆောင်မှုတန်ဖိုးမှာ နှစ်အလို်က်ဈေးနှုန်းတွေအရ လယ်ယာကဏ္ဍကြီးရဲ့ ပါဝင်မှုအချိုးအစားကို ၃၂.၉ ရာခိုင်နှုန်းကနေ ၃၁.ဝရာခိုင်နှုန်းကို စက်မှုကဏ္ဍကြီးရဲ့ ပါဝင်မှုအချိုးအစားကို ၃၁.၂ ရာခိုင်နှုန်းကနေ ၃၂.၈ ရာခို်င်နှုန်းကို ဝန်ဆောင်မှုကဏ္ဍကြီးရဲ့ ပါဝင်မှုအချိုးအစားကို ၃၅.၉ ရာခိုင်နှုန်းကနေ ၃၆.၂ရာခိုင်နှုန်းကို အသီးသီးဖြစ်ပေါ်ဖို့ ဒေသန္တရစီမံကိန်းဥပဒေမှာ မျှော်မှန်းထားတာပါ။

     

    ကဏ္ဍကြီးတိုင်းမှာအရင်နှစ်ထက်ပိုမိုရင်းနှီးမြုပ်နှံထားတာကြောင့် လူတစ်ဦးချင်းစီရဲ့ ပျှမ်းမျှထုတ်လုပ်မှုနှင့်ဝန်ဆောင်မှုတန်ဖိုး (Per Capita GDP) ကို နှစ်အလိုက်ဈေးနှုန်းအရ ငွေကျပ် ၁၆၆၅၅၈၈ ကနေ ငွေကျပ် ၁၈၄၆၈၀၅ ကို တိုးတက်ဖြစ်ပေါ်လာဖို့ဧရာဝတီတိုင်းဒေသကြီးထဲမှာမျှော်မှန်းထားပါတယ်။

    လူတစ်ဦးချင်း ပျမ်းမျှထုတ်လုပ်မှုနှင့် ဝန်ဆောင်မှုတန်ဖိုး (Per Capita GDP)

    2019-19 LEG law

    ရင်းမြစ် – ဧရာဝတီတိုင်းဒေသကြီးအစိုးရအဖွဲ့


    စစ်ကိုင်းတိုင်းဒေသကြီး စည်ပင်သာယာရေးဥပဒေသစ်အကြောင်း တစ်စေ့တစ်စောင်း

    ပထမအကြိမ် စစ်ကိုင်းတိုင်းဒေသကြီးလွှတ်တော်အတွင်း ၂၀၁၂ခုနှစ်က အတည်ပြုခဲ့သည့် စည်ပင်သာယာရေးဥပဒေကို ပယ်ဖျက်ခဲ့ပြီး ၂၀၁၈ခုနှစ် အောက်တိုဘာလအတွင်းက ကျင်းပသော ဒုတိယအကြိမ် စစ်ကိုင်းတိုင်းဒေသကြီးလွှတ်တော်(၁၆)ကြိမ်မြောက်ပုံမှန်အစည်းအဝေးတွင် ဥပဒေအမှတ်(၆)ဖြင့် တိုင်းဒေသကြီး စည်ပင်သာယာရေးဥပဒေသစ်ကို အတည်ပြုပြဋ္ဌာန်းခဲ့သည်။

    ဥပဒေသစ်က ဘာထူးခြားလဲ

    ယခင်က မြို့နယ်စည်ပင်သာယာရေးကော်မတီများကိုသာ ဥပဒေအရ ဖွဲ့စည်းခွင့်ရှိခဲ့ရာမှ ဥပဒေသစ်တွင် တိုင်းအဆင့် စည်ပင်သာယာရေးကော်မတီကို ဖွဲ့စည်းခွင့်ကို ထည့်သွင်းထားခဲ့သည်။
    ဆန္ဒမဲပေးပုံများကိုလည်းပြောင်းလဲခဲ့ပြီး ယခင်က မြို့နယ်စည်ပင်သာယာရေးကော်မတီ ဥက္ကဋ္ဌ ရွေးချယ်ရာတွင် ရပ်ကွက်တစ်ရပ်ကွက်လျှင် ကိုယ်စားလှယ် (၃)ဦးမှ မဲပေးရသည့်စနစ်ဖြင့် ရွေးချယ်ခဲ့ရသည်။ ဥပဒေသစ်တွင် အိမ်ထောင်စု တစ်စုလျှင် တစ်မဲ ဆန္ဒမဲပေးပိုင်ခွင့်ကို ထည့်သွင်းပြဌာန်းခဲ့သည်။

    စည်ပင်သာယာရေးဝန်ထမ်းများ အဂတိတရားမကင်းပါကလည်း အရေးယူနိုင်သည့် ပြစ်မှုနှင့်ပြစ်ဒဏ်များကို ပါအတိအကျ ဥပဒေတွင် ဖော်ပြထားသည်။

    စစ်ကိုင်းတိုင်းဒေသကြီးဥပဒေပြုရေးကော်မတီမှ စည်ပင်သာယာရေးဥပဒေအသစ်အတွက် ပြည်သူ၊ အရပ်ဖက်အဖွဲ့၊ မြို့နယ်များမှ စည်ပင်သာယာရေးကော်မတီဝင်များ နှင့် ထိတွေ့ဆွေးနွေးမှုများပြုလုပ်ခဲ့သည်။ စစ်ကိုင်းတိုင်းဒေသကြီး စည်ပင်သာယာရေးဥပဒေသည် လူအများနှင့်ထိတွေ့ဆွေးနွေးပြီး ပေါ်ထွက်ခဲ့သော ဥပဒေသစ်ဖြစ်သည်။

    စစ်ကိုင်းတိုင်းဒေသကြီးလွှတ်တော်က အတည်ပြုပြဋ္ဌာန်းခဲ့သည့် စည်ပင်သာယာရေးဥပဒေသစ်ကို လေ့လာနိုင်ပါသည်။
    Sagaing Region Municipal Law (4-10-2018)


    တိုင်းဒေသကြီးနဲ့ပြည်နယ်တွေကြားမှာ ပထမဆုံးရေးဆွဲလိုက်တဲ့ ဧရာဝတီတိုင်းဒေသကြီး တင်ဒါ SOPက ဘာထူးခြားလဲ

    ၂၀၁၈-၂၀၁၉ခုနှစ် ဘဏ္ဍာရေးနှစ်ကတော့ ကြားကာလဘတ်ဂျတ်ခံပြီး ပြောင်းလဲလိုက်တဲ့အတွက် အောက်တိုဘာလကနေ စက်တင်ဘာလအထိ ဘဏ္ဍာရေးနှစ် ကာလသတ်မှတ်ချက်ပြောင်းလဲမှုကို စတင်လိုက်တဲ့နှစ်ပါ။

    ဘဏ္ဍာရေးနှစ်ကာလသတ်မှတ်ချက်ကို ပြောင်းလဲလိုက်တဲ့ ၂၀၁၈-၂၀၁၉ခုနှစ်ဘဏ္ဍာရေးနှစ်မှာ ဧရာဝတီတိုင်းဒေသကြီးအစိုးရက တင်ဒါလုပ်ငန်းစဉ်တွေနဲ့ပတ်သက်ပြီး တင်ဒါSOPတစ်ခု ရေးဆွဲလိုက်ပါတယ်။

    ဧရာဝတီတိုင်းဒေသကြီး အစိုးရအဖွဲ့ရဲ့ တင်ဒါSOP (Standard Operating Procedure)ဆိုတာက တင်ဒါလုပ်ငန်းဆိုင်ရာလုပ်ထုံးလုပ်နည်းများ၊ လုပ်ငန်းစဉ်များနဲ့စည်းမျဉ်းစည်းကမ်းများကို ဒေသန္တရစီမံအုပ်ချုပ်မှုတစ်ရပ်အနေနဲ့ ရေးဆွဲသတ်မှတ်လိုက်တာပါ။

    တိုင်းဒေသကြီးနဲ့ပြည်နယ်တွေထဲမှာ ဧရာဝတီတိုင်းဒေသကြီးက ပထမဆုံးရေးဆွဲသတ်မှတ်နိုင်ခဲ့တာဖြစ်ပြီး အခုဘဏ္ဍာရေးနှစ်မှာ စတင်ကျင့်သုံးနေပြီပဲဖြစ်ပါတယ်။

    ဧရာဝတီတိုင်းဒေသကြီးတင်ဒါ (SOP)

    ဧရာဝတီတိုင်းဒေသကြီးတင်ဒါSOPကို နိုင်ငံတော်သမ္မတရုံးရဲ့ တင်ဒါလုပ်ထုံးလုပ်နည်းညွှန်ကြားချက် (၁/၂၀၁၇)နဲ့(၆.၉.၂၀၁၆)ရက်စွဲနှင့် ထုတ်ပြန်ထားတဲ့ဆောက်လုပ်ရေးဝန်ကြီးဌာနရဲ့ ကန်ထရိုက်စနစ်နှင့်လုပ်ငန်းများ ဆောင်ရွက်ရာတွင် လိုက်နာကျင့်သုံးရမယ့် လုပ်ငန်းလမ်းညွှန်ချက်တို့အပေါ် အခြေခံပြီး ရေးဆွဲထားတာပါ။

    အဲဒီလိုအခြေခံရေးဆွဲထားတဲ့ နိုင်ငံတော်သမ္မတရုံးရဲ့ တင်ဒါလုပ်ထုံးလုပ်နည်းညွှန်ကြားချက် (၁/၂၀၁၇)ဟာဆိုရင် နိုင်ငံတော်ရဲ့ဘဏ္ဍာငွေတွေ လေ့လွင့်ဆုံးရှုံးတာမဖြစ်အောင် ထုတ်ပြန်ထားတဲ့ညွှန်ကြားချက်ဖြစ်ပါတယ်။ အဲဒီညွှန်ကြားချက်က အစိုးရအဖွဲ့အစည်းများရဲ့ လုပ်ငန်းတည်ဆောက်ခြင်း၊ ပစ္စည်းဝယ်ယူခြင်း၊ ဝန်ဆောင်မှုများရယူခြင်း၊ ငှားရမ်းခြင်းနဲ့ရောင်းချခြင်းတွေ ဆောင်ရွက်ရာမှာ လိုက်နာကျင့်သုံးရမယ့်လုပ်ငန်းလမ်းညွှန်ချက်တစ်ခုပါ။
    နိုင်ငံတော်သမ္မတရုံးရဲ့ တင်ဒါလုပ်ထုံးလုပ်နည်းညွှန်ကြားချက် (၁/၂၀၁၇)ကို ထုတ်ပြန်ပြီးတဲ့နောက်ပိုင်း တစ်နိုင်ငံလုံးမှာရှိတဲ့ တင်ဒါလုပ်ငန်းတိုင်းက လိုက်နာဆောင်ရွက်နေတဲ့လမ်းညွန်ချက်ပဲဖြစ်ပါတယ်။

    AYA-SOP-rules and regulations

    နိုင်ငံတော်သမ္မတရုံးရဲ့တင်ဒါလုပ်ထုံးလုပ်နည်းညွှန်ကြားချက်(၁/၂၀၁၇)

    နိုင်ငံတော်သမ္မတရုံးရဲ့ တင်ဒါလုပ်ထုံးလုပ်နည်းညွှန်ကြားချက် (၁/၂၀၁၇)ကို ဖောက်ဖျက်ပါက နိုင်ငံတော်ရဲ့ ငွေကြေးပစ္စည်းထိခိုက်နစ်နာဆုံးရှုံးခဲ့ရင် အဂတိလိုက်စားမှုတိုက်ဖျက်ရေးဥပဒေနဲ့ အရေးယူခံရမယ်လို့လည်း အဂတိလိုက်စားမှုတိုက်ဖျက်ရေးကော်မရှင်က သတိပေးထားပါတယ်။

    အဂတိလိုက်စားမှုတိုက်ဖျက်ရေးကော်မရှင်ရဲ့ ပညာပေးဗီဒီယိုဖိုင်ကို လေ့လာနိုင်ပါတယ်

    နိုင်ငံတော်သမ္မရုံးရဲ့ ညွှန်ကြားချက်အပြင် ဧရာဝတီတိုင်းဒေသကြီးအစိုးရအဖွဲ့ရဲ့ တင်ဒါSOPမှာ ဆောက်လုပ်ရေးဝန်ကြီးဌာနရဲ့ ကန်ထရိုက်စနစ်နှင့်လုပ်ငန်းများဆောင်ရွက်ရာတွင် လိုက်နာကျင့်သုံးရမယ့် လုပ်ငန်းလမ်းညွှန်ချက်တို့အပေါ်အခြေခံပြီး ရေးဆွဲတဲ့နေရာမှာတော့ Design Bid Build Method (DBBM)စနစ်ကို အသုံးပြုထားပါတယ်။
    အဲဒီစနစ်က လုပ်ငန်းအပ်နှံ့တဲ့သူက Soil Test,Archtectural Drawings,Structure Drawings,M&E Drawings,BQ တွေကို ကြိုတင်လုပ်ဆောင်တွက်ချက်ကာ တင်ဒါယှဉ်ပြိုင်တဲ့သူတွေကို ကြိုတင်ဖြန့်ဝေမယ့်လုပ်ငန်းစဉ်ပါ။

    ငွေလုံးငွေရင်းအသုံးစရိတ်နဲ့ ကန်ထရိုက်လုပ်ငန်းတွေဆောင်ရွက်တဲ့နေရာမှာေ မြေသားစစ်ဆေးထားတာတွေ၊ ဒီဇိုင်းပိုင်းအတိအကျတွက်ချက်ပေးထားတာတွေကြောင့် လုပ်ငန်းအရည်အသွေး ကောင်းမွန်အောင်ပြုလုပ်ပေးမယ့် စနစ်တစ်ခုအဖြစ် ဧရာဝတီတိုင်းဒေသကြီး အစိုးရကချမှတ်လိုက်တာပါ။
    ဒီဇိုင်းပိုင်းကို အတိအကျတွက်ချက်ထားပြီးဖြစ်တာကြောင့် တည်ဆောက်ရေးလုပ်ငန်း အချိန်မှီမပြီးစီးတဲ့အခြေအနေတွေကို ဧရာဝတီတိုင်းဒေသကြီးSOPနဲ့ ဖြေရှင်းဖို့ရေးဆွဲလိုက်တာပါ။
    ဘဏ္ဍာရေးနှစ်ရဲ့ ငွေလုံးငွေရင်းခွင့်ပြုရန်ပုံငွေတွေကနေ တည်ဆောက်ရမယ့်လုပ်ငန်းတွေကို ဒီဇိုင်းအသေးစိတ်ရေးဆွဲတင်ဒါပေးမယ့် စနစ်ဖြစ်တာကြောင့် ခွင့်ပြုရန်ပုံငွေကနေ မလုံလောက်ပါက ပွင့်လင်းမြင်သာစွာ နောက်ထပ်ဘဏ္ဍာငွေခွဲဝေသုံးစွဲမှုဥပဒေမှာ ထည့်သွင်းရေးဆွဲနိုင်မှာဖြစ်တယ်လို့လည်း သိရပါတယ်။

    AYA-SOP


    ဧရာဝတီတိုင်းဒေသကြီး ယစ်မျိုးခွန်ဥပဒေအကြောင်း တစေ့တစ်စောင်း

    ဧရာဝတီတိုင်းဒေသကြီး ယစ်မျိုးခွန်ဥပဒေကို ၂၀၁၃ခုနှစ်ကစတင်ပြဌာန်းခဲ့တာဖြစ်ပြီး ၂၀၁၄ခုနှစ်မှာတစ်ကြိမ်၊ ယခု၂၀၁၈ခုနှစ်မှာတစ်ကြိမ် စုစုပေါင်းနှစ်ကြိမ်ပြင်ဆင်ခဲ့ပြီးဖြစ်ပါတယ်။ ၂၀၁ဝရွေးကောက်ပွဲပြီးတဲ့နောက်ပိုင်း တိုင်းဒေသကြီးနဲ့ပြည်နယ်လွှတ်တော်တွေ ပေါ်ပေါက်လာပြီး ပထမအကြိမ် ဧရာဝတီတိုင်းဒေသကြီးလွှတ်တော်က ၂၀၁၃ခုနှစ်မှာ ဥပဒေအမှတ် (၈/၂၀၁၃)အဖြစ် ဧရာဝတီတိုင်းဒေသကြီး ယစ်မျိုးခွန်ဥပဒေကို စတင်ပြဌာန်းခဲ့တာပါ။

    တိုင်းဒေသကြီးအနေနဲ့ ပထမဆုံးယစ်မျိုးခွန်ဥပဒေ (၈/၂၀၁၃)မှာ ဥပဒေမပြဌာန်းခင် အရင်ကောက်ခံတဲ့နှုန်းထားထက် နှစ်ဆကနေ ဆယ်ဆအထိ တိုးမြှင့်ကောက်ခံဖို့ လျာထားနှုန်းထားတွေနဲ့ လိုင်စင်(၁၄)မျိုးအတွက်ထည့်သွင်းရေးဆွဲခဲ့တာပါ။

    2013 Yit Myoe Law

    ၂၀၁၃ခုနှစ် တိုင်းဒေသကြီးရဲ့ ပထမဆုံးယစ်မျိုးဥပဒေကို ၂၀၁၄ခုနှစ်မှာ ဧရာဝတီတိုင်းဒေသကြီး ယစ်မျိုးခွန်ဥပဒေကို ပြင်ဆင်သည့်ဥပဒေအဖြစ် ဧရာဝတီတိုင်းဒေသကြီးလွှတ်တော် ဥပဒေအမှတ်၅/၂၀၁၄နဲ့ ပြင်ဆင်ဖြည့်စွက်ပြဌာန်းခဲ့ပါတယ်။

    အဲဒီပြင်ဆင်တဲ့၂၀၁၄ဥပဒေမှာ အထွေထွေအုပ်ချုပ်ရေးဦးစီးဌာန(ရုံးချုပ်)က ထပ်မံထုတ်ပြန်ခဲ့တဲ့ ယစ်မျိုးခွန်တိုးမြှင့်ကောက်ခံရေးဥပဒေမှာ မပါဝင်ခဲ့တဲ့ ယစ်မျိုးခွန်နှုန်းထားတွေကို တိုးမြှင့်ကောက်ခံဖို့ဖြည့်စွက်ပြဌာန်းခဲ့တာပါ။

    2014 Yit Myoe Law-AYA

    ၂၀၁၄ဥပဒေမှာ လိုင်စင်အမျိုးအစား(၁၀)မျိုး ထပ်မံဖြည့်စွက်ခဲ့တဲ့အတွက် ဧရာဝတီတိုင်းဒေသကြီး ယစ်မျိုးခွန်ဥပဒေအရ ကောက်ခံရမယ့်ယစ်မျိုးလိုင်စင်အမျိုးအစား (၂၄)မျိုးကို ဥပဒေနဲ့အညီ ကောက်ခံရမှာဖြစ်ပါတယ်။

    ၂၀၁၃ခုနှစ်မှာစတင်ပြဌာန်းခဲ့တဲ့ ဧရာဝတီတိုင်းဒေသကြီးယစ်မျိုးခွန်ဥပဒေကို ၂၀၁၄ခုနှစ်မှာ ပြင်ဆင်ဖြည့်စွက်ခဲ့ပြီးနောက် ၂၀၁၅ခုနှစ်ရွေးကောက်ပွဲနောက်ပိုင်း ဒုတိယအကြိမ် ဧရာဝတီတိုင်းဒေသကြီးလွှတ်တော်မှာတော့ ၂၀၁၈ခုနှစ်မှာ ထပ်မံပြင်ဆင်ခဲ့ပါတယ်။

    ၂၀၁၈ခုနှစ် နိုဝင်ဘာလမှာကျင်းပတဲ့ ဒုတိယအကြိမ်ဧရာဝတီတိုင်းဒေသကြီးလွှတ်တော် အစည်းအဝေးမှာ ဧရာဝတီတိုင်းဒေသကြီးလွှတ်တော် ယစ်မျိုးခွန်ဥပဒေကို ဒုတိယအကြိမ်ပြင်ဆင်သည့် ဥပဒေ၊ ဧရာဝတီတိုင်းဒေသကြီးလွှတ်တော် ဥပဒေအမှတ် (၈/၂၀၁၈) အဖြစ် ပြဌာန်းလိုက်တာပါ။

    အဲဒီဥပဒေအမှတ်(၈/၂၀၁၈)မှာတော့ ယစ်မျိုးခွန်ဥပဒေရဲ့ လိုင်စင်အမျိုးအစား(၂၄)ခုကို လိုင်စင်အမျိုးအစား(၅)ခု ထပ်တိုးခဲ့ပြီး အခုဆိုရင် နောက်ဆုံးပြင်ဆင်ဖြည့်စွက်ချက်တွေအရ ဧရာဝတီတိုင်းဒေသကြီးယစ်မျိုးခွန်ဥပဒေမှာ လိုင်စင်အမျိုးအစား စုစုပေါင်း (၂၉)ခုအထိ ရှိနေပြီဖြစ်ပါတယ်။ အဲဒီဥပဒေအမှတ်(၈/၂၀၁၈)မှာ ယစ်မျိုးခွန်ကောက်ခံမယ့်နှုန်းထားတွေကိုလည်း ပထမဥပဒေတွေမှာပါတဲ့ လိုင်စင်အလိုက် အမြင့်ဆုံးနှုန်းထားတွေနဲ့ တိတိကျကျ သတ်မှတ်ဖော်ပြထားပါတယ်။

    အဲ့ဒီအပြင် နိုင်ငံခြားအရက်လက်ကားရောင်းချခွင့် လိုင်စင်တွေဖြစ်တဲ့ FL-6,FL-8,D-1A,FL-11နှင့်FL-12 လိုင်စင်ရရှိသူတွေကို လိုင်စင်နေရာမှအပ အခြားနေရာတွေမှာ သိုလှောင်ခွင့်နှုန်းထားကောက်ခံကာ ထပ်ဆောင်းသိုလှောင်ခွင့်ပြုဖို့ဆိုတဲ့ နှုန်းထားတွေနဲ့ အချက်အလက်တွေပါဝင်ပါတယ်။

    2018 Yit Myoe Law

    အထက်ဖော်ပြပါအချက်အလက်တွေက ဧရာဝတီတိုင်းဒေသကြီး ယစ်မျိုးခွန်ဥပဒေ စတင်ပြဌာန်းခဲ့တာကနေ အခုနောက်ဆုံးပြင်ဆင်ဖြည့်စွက်ပြဌာန်းခဲ့တဲ့အထိ ပါဝင်တဲ့အချက်အလက်တွေဖြစ်ပါတယ်။

    ဧရာဝတီတိုင်းဒေသကြီးမှာ ယစ်မျိုးခွန်ကောက်ခံရရှိမှု အခြေအနေတွေနဲ့ပတ်သက်ပြီး အခုနှစ်(၂၀၁၈-၂၀၁၉)ဘဏ္ဍာရေးနှစ် ဧရာဝတီတိုင်းဒေသကြီး ဘဏ္ဍာငွေအရအသုံးဆိုင်ရာဥပဒေမှာ ယစ်မျိုးခွန်ကနေ ငွေကျပ်သန်းပေါင်း ၁၉၁၅သန်းရရှိဖို့ လျာထားတာကိုတွေ့ရပါတယ်။

    Ref;တိုင်းဒေသကြီးအစိုးရအဖွဲ့၊ စီမံကိန်းနှင့်ဘဏ္ဍာရေးဝန်ကြီးဌာန၊ ဧရာဝတီတိုင်းဒေသကြီးလွှတ်တော်


    တရားစီရင်ရေး မဟာဗျူဟာ စီမံကိန်း(၂၀၁၈-၂၀၂၂)

    “အားလုံးအတွက် တိုးတက်ကောင်းမွန်သော တရားစီရင်ရေးစနစ်ဆီ”သို့ ဆောင်ပုဒ်နဲ့  မြန်မာနိုင်ငံတရားစီရင်ရေး ငါးနှစ်တာ စီမံကိန်းဖြစ်ပါသည်။

    ၂၀၁၅-၂၀၁ရ နှစ်နှစ်တာ တရားစီရင်ရေးစနစ်အောင်မြင်မှုအပေါ်အခြေခံပြီး အခု စီမံကိန်းကို ထပ်မံရေးဆွဲခြင်းဖြစ်ပါသည်။

    ယခုငါးနှစ်တာစီမံကိန်းတွင် အခြေခံဥပဒေက ပေးအပ်ထားသော နိုင်ငံသား တစ်ယောက်ချင်းစီအတွက် အခွင့်အရေးများကို အပြည့်အဝအကောင်အထည်ဖော်ပြီး လွတ်လပ်မျှတသော တရားစိရင်ရေးဖြစ်ပေါ်လာရန် မျှော်မှန်းထားပါသည်။

    ref; ပြည်ထောင်စု တရားလွှတ်တော်ချုပ်

    justice-strategic-plan-2018myan


    ရန်ကုန်မြို့တော်စည်ပင်သာယာရေးကော်မတီ ဥပဒေ

    ဇွန် ၂၈ ရက်မှာ ပြဌာန်းလိုက်တဲ့ ရန်ကုန်မြို့တော်စည်ပင်သာယာရေးဥပဒေဖြစ်ပါတယ်။ ဥပဒေမှာ အခန်း ၃၁ ခန်းပါဝင်ပြီး ဥပဒေပုဒ်မပေါင်း ၃၉၉ ခုပါဝင်ပါတယ်။

    ရန်ကုန်တိုင်းဒေသကြီး အစိုးရကနေ ပြီးခဲ့တဲ့ ဖေဖော်ဝါရီ ၂ ရက်နေ့မှာ တိုင်းဒေသကြီးလွှတ်တော်ကို တင်သွင်းခဲ့တဲ့ ရန်ကုန်မြို့တော် စည်ပင်သာယာရေး ဥပဒေကြမ်း ဖြစ်ပါတယ်။ ဒီ ဥပဒေကြမ်းအရ အာဏာပိုင်အဖွဲ့ပေါင်း (၇) ဖွဲ့၊ ဌာန (၃) ဌာန နဲ့ တည်ဆောက်ရေး၊ ဝန်ဆောင်မှု၊ အပန်းဖြေ စတာတွေ အပါအဝင် တခြား စီးပွားရေး လုပ်ငန်းတွေ လုပ်ကိုင်ဖို့ စီးပွားရေး လုပ်ငန်းအဖွဲ့အစည်းတွေကို ဖွဲ့စည်းသွားမှာ ဖြစ်ပါတယ်။

    ရန်ကုန်မြို့တော်ရဲ့ စနစ်တစ်ခုလုံးကို ပြုပြင်ပြောင်းလဲမယ်ဆိုတဲ့ ဒီ စည်ပင်ဥပဒေကြမ်းကို မြန်မာနိုင်ငံပြန်တမ်းရဲ့ facebook စာမျက်နှာမှာ သွားရောက်ဖတ်ရှုနိုင်သလို Yagon Hluttaw facebook စာမျက်နှာ်မှာလည်း ထုတ်ပြန်ထား ပါတယ်။

    ဥပဒေအပြည့်အစုံကို အောက်ပါ link မှာဒေါင်းလုတ်ရယူနိုင်ပါတယ်။

    https://drive.google.com/file/d/1_PyalK_o0rcOfHK1B2TI41eP64u6Oe9Y/view


    လတ်တလောရေပန်းစားနေတဲ့ အရေးကြီးကုန်စည်နှင့် ဝန်ဆောင်မှု ဥပဒေ

    လတ်တလောရေပန်းစားနေတဲ့ အရေးကြီးကုန်စည်နှင့် ဝန်ဆောင်မှု ဥပဒေဖြစ်ပါသည်။  Multi-level Marketing ကုမ္ပဏီများကို အရေးယူမည့်ဟု စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ထုတ်ပြန်ထားသော ဥပဒေလည်းဖြစ်ပါသည်။ ယခုဥပဒေကို ၂၀၁၂ ခုနှစ်မှာ ပြဌာန်းခဲ့တာဖြစ်ပြီး  ဩဂုတ်ထဲမှာ ပြဌာန်းခဲ့တာ ဖြစ်ပါတယ်။

    ၁၉၄ရ ခုနှစ်တွင်ပြဌာန်းခဲ့သော The Essential Supplies and Services Act ကိုရုပ်သိမ်းပြီး အသစ်ပြဌာန်းလိုက်သော ဥပဒေလည်းဖြစ်ပါသည်။

    ဥပဒေတွင် အခန်း ၅ ခန်း၊ ပုဒ်မ ၁၂ ခုပါရှိပြီး အခန်း(၄)တွင် ပြစ်မှုနှင့် ပြစ်ဒဏ်များကို ဖော်ပြထားပါသည်။

    အခန်း(၄)တွင် ဖော်ပြထားသော ပြစ်မှုနှင့် ပြစ်ဒဏ်များအရ ပြစ်မှုထင်ရှားစီရင်ခြင်းခံရလျှင် အနည်းဆုံး ထောင်ဒဏ် ခြောက်လမှ အများဆုံး ထောင်ဒဏ် သုံးနှစ် အထိချမှတ်ရမည့်ပြင် ကျပ်ငါးသိန်းထက်မပိုသော ငွေဒဏ်ကိုလည်း ချမှတ်ခြင်းခံရမည်ဟုပြဌာန်းထားပြီး အမှုမှာ ရဲအရေးပိုင်မှုဖြစ်သည်ဟုလည်းဖော်ပြထားပါသည်။

    “အရေးကြီးကုန်စည်”ဆိုသည်မှာ ဤဥပဒေအရ ဝန်ကြီးဌာနတစ်ခုခုက အခါအားလျော်စွာ သတ်မှတ်သော သက်ရှိကုန်စည် သို့မဟုတ် သက်မဲ့ကုန်စည်တစ်မျိုးမျိုးကိုဆိုသည်ဟုလည်း အရေးကြီးကုန်စည်နှင့် ဝန်ဆောင်မှုဥပဒေတွင် အဓိပ္ပာယ်ဖွင့်ဆိုထားပါသည်။

    အောက်ပါလင့်တွင် ဥပဒေကို ဒေါင်းလုတ်ရယူနိုင်ပါသည်။

    ref;  အရေးကြီးကုန်စည်နှင့် ဝန်ဆောင်မှု ဥပဒေ

     


    မြန်မာ့ခရီးသွားလုပ်ငန်း ဥပဒေ(၂၀၁၈)

    မြန်မာ့ခရီးသွားလုပ်ငန်း ဥပဒေကို ၂၀၁၈ခုနှစ် စက်တင်ဘာလ(၁၇)ရက်နေ့မှာ ပြည်ထောင်စု လွှတ်တော်ကနေ အတည်ပြုလိုက်ပါတယ်။

    ဒီဥပဒေထဲမှာ ခရီးသွားလုပ်ငန်းနဲ ပါတ်သက်တဲ့ စီမံခန့်ခွဲမှု အပိုင်းတွေ၊အဓိပ္ပါယ်ဖွင့်ဆိုချက် တွေနဲ လုပ်ငန်းဆောင်ရွှက်ရမယ့် အပိုင်းတွေ ဖော်ပြထားပါတယ်။

    Tourism2018


    မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးဥပဒေကို ပြင်ဆင်သည့်ဥပဒေ (၂၀၁၈ ခုနှစ်)

    မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးဥပဒေကို ပြင်ဆင်သည့်ဥပဒေ (၂၀၁၈ ခုနှစ်) ကို ပြည်ထောင်စု လွှတ်တော်က စက်တင်ဘာ ၁၂ တွင် ထုတ်ပြန်ခဲ့သည်။

    ဥပဒေပြင်ဆင်ချက်တွင် အပုဒ်ပေါင်း ၂၅ ခုပါဝင်ပြီး မြေရိုင်းနှင့်ပတ်သက်ပြီး အဓိပ္ပာယ်ပြန်လည်ဖွင့်ဆိုခြင်း၊ မြေလွတ်၊မြေလတ်၊မြေလပ်၊မြေရိုင်းစီမံခန့်ခွဲမှုကော်မတီ၊ ဗဟုိုကော်မတီများဖွဲ့စည်းမှုကို ပြန်လည်ပြင်ဆင်ခြင်း၊ ခွင့်ပြုမိန့်ထုတ်ပေးခွင့်ရှိသည့် မြေပမာဏ၊ ခွင့်ပြုကာလ သတ်မှတ်ချက်များကို အပြောင်းအလဲလုပ်ထားသည်ကို တွေ့ရပြီး၊ ပြစ်မှုနှင့် ပြစ်ဒဏ်ပိုင်းတွင်လည်း ပြင်ဆင်မှုများပြုလုပ်ခဲ့ထားပါသည်။

    ထို့အပြင် မြေယာမဲ့နိုင်ငံသားများ၊ လုပ်ကွက်ငယ်လယ်သမားများ မြေလွတ်မြေလပ်မြေရိုင်းကို လျှောက်ထားလုပ်ကိုင်နိုင်ခွင့်ကိုလည်း ထပ်မံထည့်သွင်းထားသည်။

    မြေလွတ်၊မြေလပ်၊မြေရိုင်းလျှောက်ထားခြင်းမရှိဘဲ လုပ်ကိုင်နေတဲ့သူတွေဟာ အခုဥပဒေထုတ်ပြန်ပြီး ခြောက်လအတွင်း လျောက်ထားဖို့လိုအပ်မှာဖြစ်ပြီး ခွင့်ပြုချက်မရှိဘဲ လုပ်ကိုင်နေရင် ပြန်လည်သိမ်းဆည်းမှာဖြစ်ပါတယ်။

    ဥပဒေပြင်ဆင်ချက်မှာ မြေယာမဲ့နိုင်ငံသားများအရေးပါဝင်လာမှုနဲ့ အရပ်ဖက်အဖွဲ့အစည်းများ စီမံခန့်ခွဲမှုကော်မတီမှာ ပါဝင်ခွင့်၊ တိုင်းရင်းသားမာျးရဲ့ ဓလေ့ထုံးထမ်းအစဉ်အလာအရ အသုံးပြုနေတဲ့ မြေယာကိစ္စတွေကိုလည်း အသိအမှတ်ပြုထားပါ တယ်။

     

    ref; ပြည်ထောင်စုလွှတ်တော်


    Arrival / Departure Cards ဖြည့်စွက်ရန်မလိုတော့ပါ

    စက်တင်ဘာ ၁၂ ရက်ကစပြီးတော့ ရန်ကုန်အပြည်ပြည်ဆိုင်ရာလေဆိပ်၊ နေပြည်တော်အပြည်ပြည်ဆိုင်ရာလေဆိပ်တို့မှာ ပြည်ပထွက်ခွာ/ဆိုက်ရောက်ခရီးသည်များအတွက် Arrival / Departure Cards ဖြည့်စွက်စရာမလိုတော့ဘူးလို့ အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနက စက်တင်ဘာ ၁၁ ရက်မှာ ကြေညာပါတယ်။

    မြန်မာနိုင်ငံမှာ ခရီးသွားဝင်ရောက်မှု ပိုမိုတိုးတက်လာစေဖို့အတွက် အခုလို ပယ်ဖျက်လိုက်တာဖြစ်တယ်လို့ ထုတ်ပြန်ချက်မှာဖော်ပြပါတယ်။

    မြန်မာနိုင်ငံနဲ့ အိမ်နီးချင်းနိုင်ငံတစ်ချို့မှာတော့ ဒီ ဆိုက်ရောက်/ထွက်ခွာပုံစံဖောင် Arrival / Departure Cards တွေ သုံးနေပါသေးတယ်။ ဒီလိုမဖြုတ်လိုက်တဲ့အတွက် လေကြောင်းလိုင်းတွေအနေနဲ့ လေယာဉ်ပေါ်ပါတဲ့ ခရီးသည်အရေအတွက်စာရင်းနဲ့ အမှန်တကယ် အောက်ကိုဆင်းလာတဲ့ ခရီးသည်အရေအတွက် ကိုက်ညီမှုရှိမရှိကိုတော့ တာဝန်ယူရမယ်လို့လည်း ထုတ်ပြန်ချက်မှာ ဖော်ပြထားပါတယ်။

     

    ဆက်ပြီး အကောက်ခွန် ကြေညာလွှာ ပုံစံကိုလည်း ပယ်ဖျက်လိုက်မယ်ဆိုရင်တော့ ပိုပြီးတော့ ခရီးသည်တွေအတွက် လွယ်ကူသက်သာလိမ့်မယ်လို့လည်း တိုက်တွန်းမှုတွေရှိပါတယ်။ဥပမာအား Green Channel (ကြေညာဖို့ မလိုတဲ့ ထွက်ပေါက်) နဲ့ Red Channel (ကြေညာဖို့လိုတဲ့ ထွက်ပေါက်) လို့ခွဲထားနိုင်ပြီး ကြေညာဖို့ လိုသူတွေပဲ Red Channel (ကြေညာဖို့လိုတဲ့ ထွက်ပေါက်)ကဝင်ပြီး ကြေညာလွှာ ပုံစံဖြည့်စွက်ပြီး ကြေညာရုံပဲဆိုရင်တော့ ခရီးသွားတွေအတွက် ပိုမိုလွယ်ကူသက်သာလာမှာ ဖြစ်ပါတယ်။

    ခရီးသည်အများစု ကြေညာဖို့မလိုတဲ့သူတွေဖြစ်နေတဲ့အတွက် သူတို့ အတွက် အလုပ်ရှုပ် သက်သာသွားမှာဖြစ်တယ်လို့လည်း သုံးသပ်လို့ရပါတယ်။

    ခရီးသွားဝင်ရောက်မှုလျော့ကျနေချိန်ဖြစ်တဲ့အတွက် အခုကြေညာကို ခရီးသွားလုပ်ငန်းအသိုင်းအဝိုင်းက ကြိုဆိုကြပါတယ်။

     

    ဓာတ်ပုံ-အင်တာနက်

     

     


    သတင်းသမားများသိထားသိသော ဥပဒေရေးရာ သုုတေသနမှတ်စုုများ

    စီးပွားရေးသတင်းသမားတွေသာမက သတင်းမီဒီယာလောကသားတွေ အနေနဲ့ ဘယ်လိုုဥပဒေ၊ နည်းဥပဒေမျိုးတွေ၊ ထုုတ်ပြန်ချက်တွေ ကိုု ဖတ်ထားသင့်လဲ။ ဥပဒေထဲမှာပါတဲ့ အသုုံးအနှုန်းတွေကိုု ဘယ်လိုုသတိထားဖတ်ရှုရမလဲ။ ဥပဒေတစ်ရပ်အနေနဲ့ထုုတ်ပြန်ထားတာမျိုးမဟုုတ်ပေမယ့်လည်း ဘာတွေကိုု ဥပဒေကဲ့သိုု့ လိုုက်နာကျင့်သုုံးသင့်လဲ။ လွှတ်တော်ရဲ့ ဖွဲ့စည်းပုုံတွေက ဘယ်လိုုရှိလဲ။

    ဒီအကြောင်းအရာတွေနဲ့ပတ်သတ်ပြီး တရားလွှတ်တော်ရှေ့နေ ဦးသန်းမောင်(စစ်တွေ)က သူ့ရဲ့ သုုတေသနမှတ်စုုတွေကိုု သတင်းသမားတွေကိုု ပြန်လည်ဝေမ ျှထားပေးပါတယ်။

    ယခုတင်ပြပေးထားသော PDF Files များအားလုံးသည် တရားလွှတ်တော်ရှေ့နေ ဦးသန်းမောင်(စစ်တွေ) ၏ မူပိုင်ခွင့်နှင့်သာသက်ဆိုင်ပြီး ဆရာ့ဆီမှ ခွင့်တောင်း၍ ပြန်လည်မ ျှဝေပေးထားခြင်းဖြစ်ပါတယ်။


    ၂၀၁၈-၂၀၁၉ ဘဏ္ဍာနှစ် ပြည်ထောင်စု၏ အခွန်အကောက်ဥပဒေ

    ဩဂုတ် ၂၄ ရက်တွင် ပြည်ထောင်စုလွှတ်တော်ဝက်ဆိုဒ်၌ လွှင့်တင်ထားသော၂၀၁၈-၂၀၁၉ ဘဏ္ဍာနှစ်ပြည်ထောင်စု၏ အခွန်အကောက်ဥပဒေဖြစ်ပါသည်။

    နိုင်ငံပိုင်စီးပွားရေးလုပ်ငန်းများကို ယခုနှစ် အောက်တိုဘာ ၁ ရက်မှစတင်စည်းကြပ်မည်ဖြစ်ပြီး ကျန်လုပ်ငန်းများအတွက် အခွန်စီးကြပ်နှစ်ကို ဧပြီ ၁ ရက်မှ မတ် ၃၁ ရက်သတ်မှတ်သည်။

    အခွန်အကောက်ဥပဒေတွင် စာမျက်နှာ် ၂ရ မျက်နှာ၊ အခန်း ၉ ခန်း၊ နောက်ဆက်တွဲ ကဏ္ဍအလိုက် အခွန်ကောက်ခံမှု လျာထားချက် ဇယား(၁) ခုပါဝင်ပါသည်။ ယခုနှစ် အခွန်အကောက်ဥပဒေတွင် ပြောင်းလဲထားသည့်အချက်များကို အစိမ်းရောင် ဖြင့် ချယ်သထုတ်ပြန်ထားသည်ကိုလည်းတွေ့ရသည်။

    ဥပဒေကြမ်းအရ စီးကရက်နှင့် အရက်၊ စိန်နှင့်မြ စသည်ပစ္စည်းများပေါ်တွင် အခွန်အကောက်ပြောင်းလဲမှုများရှိခဲ့ပြီး ဝင်ငွေခွန်ကဏ္ဍတွင် အခွန်အကောက်ပြောင်းလဲမှုမရှိပါ။

    ရင်းမြစ်- ပြည်ထောင်စုလွှတ်တော်


    မွေးမြူရေးနှင့် ရေလုပ်ငန်းဆိုင်ရာအစီရင်ခံစာ(by The Asia Foundation)

    The Asia Foundation ကရေးသားတဲ့  မွေးမြူရေးနှင့် ရေလုပ်ငန်းဆိုင်ရာအစီရင်ခံစာဖြစ်ပါတယ်။ ဒီလုပ်ငန်းတွေမှာ ကျား၊မတန်းတူညီမျှမှုဖော်ဆောင်ရေးဘက်ကို ချဉ်းကပ်ရေးသားထားတဲ့ အစီရင်ခံစာတစ်ခုလည်းဖြစ်ပါတယ်။ အစီရင်ခံစာခေါင်းစဉ်အပြည့်အစုံက Gender Mainstreaming In Subnational Governance: Governance In Fishery And Livestock Sector ဖြစ်ပါတယ်။

    မွေးမြူရေးနှင့် ရေလုပ်ငန်းကဏ္ဍမှာ ကျား၊မတန်းတူညီမ ျှမှုကတစ်ဆင့် ဖွံ့ဖြိုးမှုကို ဦးတည်နိုင်မယ့် နည်းလမ်းတွေကို အစီရင်ခံစာမှာ ဖော်ပြထားတာကို ဖတ်ရှုရမယ့်အပြင် မွေးမြူရေးနဲ့ ရေလုပ်ငန်း လိုင်စင်ချထားပေးမှုအပါအဝင် မွေးမြုရေးကဏ္ဍမှာ ဖြစ်ပျက်နေတာတွေကို လ ျှပ်တပြတ်လေ့လာခွင့်ရမယ့် အစီရင်ခံစာလည်းဖြစ်ပါတယ်။

    အစီရင်ခံစာအပြည့်အစုံ ဒေါင်းလုတ်လုပ်ရန်

     Myanmar Fisheries and Livestock Sectors

    Source : Asia Foundation


    ဇီဝမျိုးစုံ မျိုးကွဲ နှင့် သဘာဝနယ်မြေများကာကွယ်စောင့်ရှောက်ရေး ဥပဒေရေးဆွဲဖို့အတွက် မြို ့လေးမြို ့တွင် ဆွေးနွေးပွဲများ ပြုလုပ်မည်

    သစ်တောဦးစီးငှာနမှ ဇီဝမျိုးစုံ မျိုးကွဲ နှင့် သဘာဝနယ်မြေများကာကွယ်ဆောင်လျှောက်ရေး ဥပဒေရေးဆွဲဖို့အတွက် ထားဝယ်၊ရန်ကုန်၊ မန္တလေး နဲ မြစ်ကြီးနား မြို့တို့မှာ အကျိုးသက်ဆိုင်သူတို့နှင့် ဆွေးနွေးအကြံပြုချက် ရယူခြင်း ဆွေးနွေးပွဲတွေ ပြုလုပ်မယ် လို့ ဆိုပါတယ်။ သဘာဝသစ်တောနယ်မြေတွေမှာ လုပ်ငန်းရှင်တွေအနေနဲ ကိုယ့်ကျိုးစီးပွားအတွက် မြေရယူခြင်း၊ စီးပွားရေးကဏ္ဍအတွက် သစ် အလွန်အကျွံခုတ်ခြင်း၊ စိုက်ပျိုးမြေအဖြစ် နယ်မြေရှင်းလင်းခြင်းနဲ ့ အခြားစီးပွားဖြစ်လုပ်ငန်းတွေ ဆောင်ရွှက်တဲ့အတွက် သစ်တောနယ်မြေတွေ ပျက်ဆီးနေတာတွေ ရှိပါတယ်။ ဒီကဏ္ဍနဲ ပါတ်သက်ပြီးလည်း ဆွေးနွေး အဖြေရှာကြမယ့် သဘောရှိပါတယ်။

    ထားဝယ်မြို့မှာ ဩဂုတ်လ(၁၄)ရက်နေ့၊ရန်ကုန်မြို့မှာ ဩဂုတ်လ(၂၁)ရက်နေ့၊ မန္တလေးမြို့မှာ ဩဂုတ်လ(၂၈)ရက်နေ့၊မြစ်ကြီးနားမြို့မှာ ဩဂုက်လ(၃၁)ရက်နေ့တွေမှာ ကျင်းပပြုလုပ်မယ် လို့ ဖော်ပြထားပါတယ်။

    ပြည်နယ်ဒေသအချို့မှာ အစိုးရက စီမံကိန်းတွေ တည်ဆောက်နေတာ၊ လုပ်ငန်းရှင်တွေက သဘာဝ ဘေးမဲ့တောတွေကို ဥယျာဉ်ခြံမြေက အစ ပုံစံ(၁၀၅)၊ လူနေထိုင်ခွင့်၊ လုပ်ငန်းဆောင်ရွှက်ခွင့်တွေအထိ ဆောင်ရွက်ကာ ပါတ်ဝန်းကျင်ထိခိုက်ပျက်ဆီးစေမယ့် အချက်တွေကို ပြုမှုနေကြတာတွေ ရှိတာမို့ အခုလို ဆွေးနွေးပွဲတွေကနေလည်း စီးပွားရေး သတင်းအတွက် အချက်အလက်တွေ ရရှိနိင်မယ် လို့ ယူဆပါတယ်။

    မည်သူမဆို တက်ရောက်လို့ ရပြီး နည်းဥပဒေ ပေါ်ပေါက်လာဖို့ အထိ ဖြစ်တာမို့ အများပြည်သူအတွက် အကျိုးရှိစေမယ်လို့ ယုံကြည်ပါတယ်။


    သတင်းမီဒီယာဥပဒေ

    ပြည်ထောင်စုလွှတ်တော်မှ ပြဌာန်းခဲ့သော သတင်းမီဒီယာဥပေဒကို သတင်းသမားတွေ အကိုးအကားပြုလို ့ရအောင်တင်ပေးလိုက်ပါတယ်။

    ၎င်းဥပဒေတွင် သတင်းမီဒီယာ နှင့် သတင်းမီဒီယာသမားများအတွက် တိကျသောအဓိပ္ပါယ်သတ်မှတ်ချက် ၊ သတင်းအေဂျင်စီအတွက် သတ်မှတ်ချက် ၊ သတင်းမီဒီယာဥပဒေ၏ ရည်ရွယ်ချက် ၊ မီဒီယာသမားများ၏ ရပိုင်ခွင့် နှင့် လိုက်နာရမည့်တာဝန်နှင့် ကျင့်ဝတ်များ ၊ သတင်းမီဒီယာ ထူထောင်ခြင်း လုပ်ငန်းစဉ် ၊ ရန်ပုံငွေနှင့်ထောက်ပံ့ရေး သတ်မှတ်ချက်များ ၊ အရေးယူခြင်းဆိုင်ရာ ပုဒ်မများ ၊ ပြစ်မှုနှင့်ပြစ်ဒဏ်များ နှင့် အခြားသော အထွေထွေဆိုင်ရာ သတ်မှတ်ချက်များပါဝင်ပါတယ်။

    အသေးစိတ်ကို ဖော်ပြပါ Pdf တွင်ဖတ်ရှုနိုင်ပါတယ်။

    Source : http://www.myanmar-law-library.org/


    ၂၀၁၈-၂၀၁၉ ဘဏ္ဍာနှစ်၊ အမျိုးသားစီမံကိန်းဥပဒေကြမ်း

    ၂၀၁၈ -၂၀၁၉ ဘဏ္ဍနှစ် အမျိုးသားစီမံကိန်းဥပဒေကြမ်းကို 2018 ခုနှစ် July 24 ရက်တွင် ပြည်ထောင်စုလွှတ်တော်မှအတည်ပြုပြဌာန်းလိုုက်ပါတယ်။

    နိုင်ငံတော်၏လူမှုစီးပွားရေးနယ်ပယ်အသီးသီး ဖွံ ့ဖြိုးတိုးတက်ရေးနှင့်ပြည်သူကိုဗဟိုပြု၍ အားလုံးပါဝင်နိုင်သော စဉ်ဆက်မပြတ် တိုးတက်မှုရရှိစေရန် ရည်ရွယ်၍ ချမှတ်ထားသည့် နိုင်ငံတော်၏ စီးပွားရေးမူဝါများနှင့်အညီစနစ်တကျ အကောင်အထည်ဖော်နိုင်ရန် ပြည်ထောင်စုလွှတ်တော်မှပြဌာန်းလိုက်သည်ဟု ဖော်ပြထားပါတယ်။

    ၂၀၁၈-၂၀၁၉ ဘဏ္ဍာနှစ်၊ အမျိုးသားစီမံကိန်းဥပဒေကြမ်းတွင် ၂၀၁၇-၂၀၁၈ ဘဏ္ဍာနှစ် နှစ်ကုန်ခန် ့မှန်းခြေ နှင့် ၂၀၁၈-၂၀၁၉ ဘဏ္ဍာနှစ် အမျိုးသားစီမံကိန်း တို ့အတွက် ဘဏ္ဍာနှစ်အလိုက်တန်ဖိုး ၊ ပါဝင်မှုအချိုး နှင့် တိုးတက်မှုနှုန်းတို ့ကို နှိုင်းယှဉ်လေ့လာနိုင်ပါတယ်။

    Source : http://www.amyotha.hluttaw.mm


    မြန်မာ့အလုပ်သမားဥပဒေဆိုင်ရာ အမေးအဖြေများ

    International Labour Organization (ILO) မှ ထုတ်ဝေလိုက်သည့် မြန်မာနိုင်ငံတွင်းရှိ အလုပ်ရှင် နှင့် အလုပ်သမားအားလုံးအတွက် သိသင့်သိထိုက်သော ဥပဒေများဆိုင်ရာ အမေးအဖြေများပဲဖြစ်ပါတယ်။
    အလုပ်သမားများဘက်မှ အကျိုးခံစားခွင့်နှင့် အငြင်းပွားဖွယ်ရာ သတ်မှတ်ချက်များ နှင့် အခြေအနေများ ၊ အလုပ်ရှင်များဘက်မှလည်း အလုပ်ခန့်ထားမှုဆိုင်ရာသဘောတူညီမှုအတွက် အချက်အလက်များ အပြည့်အစုံကိုတင်ပြထားပါတယ်။ ယခုလက်ရှိတွင်လည်း အလုပ်ရှင် အလုပ်သမား အခြေအနေများကိုသတင်းရေးသားနေသူ သတင်းထောက်များအတွက် Reference ရယူနိုင်ရန် တင်ပြပေးလိုက်ပါတယ်။

    အသေးစိတ်ကို ဖော်ပြပါ link တွင် လေ့လာဖတ်ရှုနိုင်ပါတယ်။

    Source : http://www.ilo.org/yangon/publications/lang–en/nextRow–0/index.htm


    အိမ်ခြံမြေဝန်ဆောင်မှု ဥပဒေကြမ်း

    ပြည်ထောင်စုလွှတ်တော်မှ ၂၀၁၈ခုနှစ် ဇွန်လ ၁၃ ရက်နေ ့တွင် အိမ်ခြံမြေဝန်ဆောင်မှု ဥပဒေကြမ်း ကိုအတည်ပြုလိုက်ပါတယ်။

    ၎င်းဥပဒေတွင် အိမ်ခြံမြေ ဝန်ဆောင်မှုနှင့်ပတ်သတ်ပြီး သေချာစွာရှင်းလင်းဖော်ပြထားပါတယ်။ အိမ်ခြံမြေဝန်ဆောင်မှုပေးသူ၏ အရည်အချင်းသတ်မှတ်ချက်များ နှင့် ဝန်ဆောင်မှု ပေးသူက လိုက်နာရမည့် စည်းကမ်းချက်များ ၊ အခွင့်အရေးနှင့်တာဝန်များ ၊ ဝန်ဆောင်မှုလုပ်ငန်းသတ်မှတ်ချက်များ ၊ မှတ်ပုံတင်ခြင်း ၊ ယာယီလိုင်စင်နှင့် လိုင်စင်ထုတ်ပေးခြင်း နှင့် ဝန်ဆောင်မှုဆိုင်ရာ စည်းကမ်းချက်များ အပါအဝင် အရေးယူဆောင်ရွက်ခြင်း အစရှိသည်ဖြင့် သတ်မှတ်ချက်များ ပါဝင်ပါတယ်။

    အသေးစိတ်ကိုတော့ PDF file တွင် ဆက်လက်လေ့လာနိုင်ပါတယ်။

    Source : https://pyidaungsu.hluttaw.mm/second-bills


    မြေသိမ်းဆည်းခြင်း၊ ပြန်လည်နေရာချထားခြင်းနှင့် ပြန်လည်ထူထောင်ခြင်းဆိုင်ရာ ဥပဒေ

    မြေသိမ်းဆည်းခြင်း၊ ပြန်လည်နေရာချထားခြင်းနှင့် ပြန်လည်ထူထောင်ခြင်းဆိုင်ရာ ဥပဒေပြဋာန်းချက်များသည် ပြည်ထောင်စုအစိုးရအဖွဲ ့ကဖြစ်စေ ၊ ပြည်ထောင်စုအဖွဲ ့၏ သဘောတူခွင့်ပြုချက်အရဖြစ်စေ မြေတစ်ရပ်ကို အများပြည်သူအကျိုးအလို ့ငှာ ထာဝရ သို ့မဟုတ် ယာယီ လိုအပ်မှုအပါအဝင် မြေကို ကိုယ်တိုင်အသုံးပြုမှု ၊ လက်ဝယ်ထိန်းသိမ်းထားမှုနှင့် ကြီးကြပ်ကွပ်ကဲမှုများအတွက် မြေသိမ်းဆည်းခြင်း ၊ လျော်ကြေး ၊ နစ်နာကြေးငွေ ပေးအပ်ခြင်း လူမှုစီးပွားရေးဘဝ ပြန်လည်နေရာချထားခြင်း ၊ ပြန်လည်ထူထောင်ခြင်းနှင့် စပ်လျဉ်း၍ သက်ဆိုင်စေရမည်ဟု ဖော်ပြထားပါတယ်။

    ၎င်းဥပဒေနှင့် အကျုံးဝင်သည့်အချက်များကိုလည်း တင်ပြပေးလိုက်ပါတယ်။

    • နိုင်ငံတော်၏ အမျိုးသားကာကွယ်ရေးနှင့် လုံခြုံရေးကိစ္စရပ်များအတွက် မြေလိုအပ်မှုများ
    • အမျိုးသားစီးပွားရေးမူဝါဒအရ နိုင်ငံတော်ဖွံ ့ဖြိုးတိုးတက်ရေးအတွက် ဆောင်ရွက်မည့်စီမံကိန်းများ
    • လူမှုစီးပွားရေး ဖွံ ့ဖြိုးမှုဆိုင်ရာ စီမံကိန်းများ
    • မြို ့ပြနှင့်ကျေးရွာတိုးချဲ ့တည်ဆောက်ရေးနှင့် အခြေခံအဆောက်အအုံ ဖွံ ့ဖြိုးတိုးတတ်ရေး စီမံကိန်းများ
    • ပြည်လည်နေရာချထားခြင်းနှင့် ပြည်လည်ထူထောင်ခြင်း ကိစ္စရပ်များ
    • လယ်ယာမြေ သိမ်းဆည်းခြင်းအတွက် လယ်ယာမြေဥပဒေ (အမှတ် ၁၁ ။ ၂၀၀၂) အရလည်းကောင်း ၊ မြေလွတ် မြေလပ်နှင့် မြေရိုင်းများကို ပြန်လည်ရယူခြင်းအတွက် မြေလွတ် မြေလပ် နှင့် မြေရိုင်းများ စီမံခန် ့ခွဲရေး ဥပဒေ (အမှတ် ၁ဝ ။ ၂၀၁၂)အရ လည်းကောင်း လျော်ကြေးနှင့် နစ်နာကြေးများပေးဆောင်ခြင်းတို ့မှအပ အခြားတည်ဆဲ ဥပဒေတစ်ရပ်အရ မြေသိမ်းဆည်းသည့် ကိစ္စရပ်များ ဟူ၍ဖော်ပြထားပါတယ်။

    ဥပဒေ အပြည့်အစုံကို ဖော်ပြထားတဲ ့PDF File မှာ လေ့လာဖတ်ရှုနိုင်ပါတယ်။

    Land Acquisition Law Draft

    Banda Post မှ တင်ပြထားသော ဆက်စပ်လျက်ရှိသည့် လယ်ယာမြေဥပဒေ နှင့် မြေလွတ် မြေလပ် နှင့် မြေရိုင်းများ စီမံခန် ့ခွဲရေး ဥပဒေ ကိုလည်း တစ်စုတစ်စည်းတည်း တင်ပြပေးလိုက်ပါတယ်။

    Photo Credit : Amnesty International


    Page 1 of 712345...Last »
Hit Counter
Banda Post