ကျဆင်းလာခဲ့တဲ့ ငွေကြေးလဲလှယ်နူန်းထားနဲ စံချိန်တင် မြင့်တက်ဆဲ့ ရွှေဈေးကွက် အခြေအနေများ

/ /

၂၀၁၈ခုနှစ် ဒီဇင်ဘာကနေ ၂၀၁၉ ခုနှစ် ဖေဖော်ဝါရီလ (၁၅)ရက်နေ့ အတွင်း မြန်မာနိုင်ငံရဲ့ ကျပ်ငွေ လဲလှယ်တဲ့ နှုန်းထား တန်ဖိုးဟာ ပြန်လည် မာလာခဲ့ပါတယ်။ အမေရိကန်ဒေါ်လာ ငွေကြေးလဲလှယ်မှု နှုန်းထားအရ မြန်မာငွေတန်ဖိုး ပြန်လည် မြင့်တက်လာခဲ့တာကို တွေ့ရပါတယ်။

တရုတ်နှစ်သစ်ကူး အပြီးမှာ ပြန်လည်ကောင်းမွန်လာမယ် လို့ ယူဆရတဲ့ နယ်စပ်ကုန်သွယ်ရေး ကဏ္ဍဟာ မျော်လင့်သလို ဖြစ်လာမနေခဲ့သော်လည်း တရုတ်ယွမ် ငွေနဲ ထိုင်းဘက်ငွေကို မှီခိုနေရတဲ့ ကျပ်ငွေ တန်ဖိုး မြင့်တက်လာခဲ့တာပါ။ ပြင်ပ အကျိုးဆောင်တွေကတော့ တရုက်ယွမ် နဲ ထိုင်း ဘက်ငွေ မာတာကြောင့် မြန်မာကျပ်ငွေလည်း လိုက်ပါ မြင့်တက်နေတာ လို့ ဆိုပါတယ်။

ဒါပေမယ့် ပြီးခဲ့တဲ့ သုံးလေးလအတွင်းမှာ မြန်မာနိုင်ငံ ဗဟိုဘဏ်ရဲ့ လုပ်ဆောင်မှု တွေ ၊ ပြုပြင်ပြောင်းလဲမှု အခြေအနေတွေကလည်း ပြည်တွင်းမှာ ကျပ်ငွေ တန်ဖိုးကို ပြန်လည် မြင့်တက်လာစေခဲ့တာ လို့ ပြောကြပါတယ်။

ငွေကြေးလဲလှယ်တဲ့ နှုန်းထားအရ ဒေါ်လာ ကျဆင်းသွားခဲ့တာဟာ ဗဟိုဘဏ်ရဲ့ လုပ်ဆောင်ချက်တွေ ပါဝင်လာခဲ့လို့ ဆိုတာ ငြင်းလို့ မရတဲ့ အချက်ပါ။ ၂၀၁၈ ခုနှစ် ဒီဇင်ဘာလတုန်းက ငွေကြေးလဲလှယ်တဲ့နှုန်းထားတွေအရ အမေရိကန်ငွေ တစ်ဒေါ်လာလျှင် ကျပ်(၁၅၇၀)ဝန်းကျင်အထိ ရောက်ခဲ့ပေမယ့် ၂၀၁၉ ခုနှစ် ဖေဖော်ဝါရီလမှာတော့ တစ်ဒေါ်လာကို ကျပ်(၁၅၂၀)ဝန်းကျင်မှာ ပြန်လည် ရောက်ရှိလို့ နေပါတယ်။

အလားတူ ပြည်တွင်း ရွှေဈေးဟာလည်း ကမာ္ဘ့ရွှေဈေး မြင့်တက်လာမှု နဲ အတူ စံချိန်တင် မြင့်တက်လာမှုတွေ တွေ့ရှိရပါတယ်။ ပြည်တွင်းမှာ ရွှေတစ်ကျပ်သား ကို ကျပ်(၁၀၇၆၀၀၀) အထိ မြင့်တက်လာခဲ့တာကို တွေ့ရတာမို့ ပြီးခဲ့တဲ့ နှစ်လတာ ကာလအတွင်း ကျပ်(၄၀၀၀၀)နီးပါး မြင့်တက်လာခဲ့ပါတယ်။ ၂၀၁၈ ခုနှစ် တစ်နှစ်တာလုံးမှာ ရွှေဈေး မြင့်တက်ခဲ့မှုဟာ ကျပ်(၁)သိန်း ဝန်းကျင်သာရှိတာမို့ ပြီးခဲ့တဲ့ နှစ်လတာကာလအတွင်း ပြည်တွင်း ရွှေဈေးဟာ (၄၀)ရာခိုင်နှုန်းနီးပါ မြင့်တက်ခဲ့တယ်လို့ ဆိုရမှာပါ။

ပြည်တွင်းရွှေဈေးဟာ စံချိန်တင် မြင့်တက်မှုတွေ ဖြစ်ပေါ်လာနေခဲ့ပေမယ့် ငွေကြေးဈေးကွက်မှာတော့ ဒေါ်လာလဲလှယ်နူန်းထားတွေဟာ ကျဆင်းသွားခဲ့ပါတယ်။

အမေရိကန်ဒေါ်လာ၊Earningငွေ လဲလှယ်နှုန်း နှင့် ရွှေဈေး
Facebook Comments