၂၀၁၆-၂၀၁၇ခုနှစ်ကနေ ၂၀၂၀-၂၀၂၁ ခုနှစ်အထိ ဧရာဝတီတိုင်းဒေသကြီးရဲ့ ၅နှစ်တာ ဒေသန္တရဖွံ့ဖြိုးတိုးတက်မှု မျှော်မှန်းချက်များ

/ /


ဧရာဝတီတိုင်းဒေသကြီးရဲ့ ဒေသန္တရဖွံ့ဖြိုးတိုးတက်မှု ဒုတိယငါးနှစ်စီမံကိန်းအဖြစ် ၂၀၁၆-၂၀၁၇ ဘဏ္ဍာရေးနှစ်ကနေ ၂၀၂၀-၂၀၂၁ ခုနှစ်အထိ သတ်မှတ်ပြီး ဖွံ့ဖြိုးတိုးတက်ဖို့ မျှော်မှန်းထားတာပါ။


ဒုတိယငါးနှစ်စီမံကိန်းရဲ့ နောက်ဆုံးနှစ်ဖြစ်တဲ့ ၂၀၂၀-၂၀၁၂၁ခုနှစ်မှာတော့ လူတစ်ဦးပျမ်းမျှထုတ်လုပ်မှုနှင့် ဝန်ဆောင်မှုတန်ဖိုး မြန်မာငွေကျပ် ၁၈သိန်းခွဲနီးပါးနှင့် ဂျီဒီပီတိုးတက်မှုနှုန်း ၅.၇ ရာခိုင်နှုန်း တိုးတက်ရမယ်လို့လည်း ရည်မှန်းချက်တွေကိုထားရှိပါတယ်။


ဧရာဝတီတိုင်းဒေသကြီး စီးပွားရေးဖွံ့ဖြိုးတိုးတက်မှုစီမံကိန်းအတွက် ငါးနှစ်စာ မူဘောင်ကိုလည်း ဧရာဝတီတိုင်ဒေသကြီး စီမံကိန်းဦးစီးမှူးရုံးကချမှတ်ထားတာပါ။


အဲဒီလိုမူဘောင်တွေချမှတ်တဲ့အပြင် မူဝါဒ ၊ရည်မှန်းချက်၊ မဟာဗျူဟာတွေကို ချမှတ်ထားပြီး အကောင်အထည်ဖော်ဖို့ ဦးစားပေးကဏ္ဍ (၇) ရပ် ကိုလည်း ဧရာဝတီတိုင်းဒေသကြီးအစိုးရအဖွဲ့ရဲ့ အတည်ပြုချက်နဲ့ ရွေးချယ်ထားတယ်လို့လည်းဆိုပါတယ်။


အဲဒီလိုဦးစားပေးကဏ္ဍတွေရွေးချယ်ထားတဲ့အပြင် ဧရာဝတီတိုင်းဒေသကြီး စီးပွားရေးဖွံ့ဖြိုးတိုးတက်ဖို့အတွက်လည်း ရင်းနှီးမြုပ်နှံမှုအရင်းအမြစ်တွေကိုလည်း ရွေးချယ်ထားပြီးဖြစ်တယ်လို့ ဆိုပါတယ်။
ဧရာဝတီတိုင်းဒေသကြီးစီမံကိန်းဦးစီးမှူးရုံးက မျှော်မှန်းထားတဲ့ ရည်မှန်းချက်တွေအတိုင်း အကောင်အထည်ဖော်နိုင်မလားဆိုတာကိုတော့ ၂၀၂၀-၂၀၂၁ ဘဏ္ဍာရေးနှစ်ကုန်မှာ ရရှိလာမယ့် ဂျီဒီပီတိုးတက်မှုနှုန်းနဲ့ လူတစ်ဦးပျှမ်းမျှထုတ်လုပ်မှုနှင့် ဝန်ဆောင်မှုတန်ဖိုး အခြေအနေကိုစောင့်ကြည့်ရမှာပါ။

Facebook Comments