ဧရာဝတီတိုင်းဒေသကြီး ရင်းနှီးမြုပ်နှံမှုကော်မတီအစည်းအဝေး(၂/၂၀၁၉)ကနေ ခွင့်ပြုလိုက်တဲ့ ရင်းနှီးမြုပ်နှံမှုလုပ်ငန်း ၅ခုအကြောင်း

/ /

ဧရာဝတီတိုင်းဒေသကြီးရင်းနှီးမြုပ်နှံမှုကော်မတီအစည်းအဝေး(၂/၂၀၁၉)ကို မတ်လ၂၂ရက်နေ့ကကျင်းပပြုလုပ်ခဲ့ပြီး ရင်းနှီးမြုပ်နှံမှုလုပ်ငန်း ၅ခုကို အတည်ပြုပေးခဲ့ပါတယ်။


အဲဒီရင်းနှီးမြုပ်နှံမှုလုပ်ငန်း ၅ခုကနေ အလုပ်အကိုင်အခွင့်အလမ်းပေါင်း ၃၇၀ ကျော်ဖန်တီးပေးနိုင်ဖို့ကိုလည်း မျှော်မှန်းထားပြီး ရာနှုန်းပြည့်မြန်မာနိုင်ငံသားရင်းနှီးမြုပ်နှံမှုက (၄)ခုနှင့် ရာနှုန်းပြည့် နိုင်ငံခြားသားရင်းနှီးမြုပ်နှံမှု ၁ခုပါဝင်ပါတယ်။


ရာနှုန်းပြည့်နိုင်ငံခြားသားရင်းနှီးမြုပ်နှံမှုက တရုတ်နိုင်ငံရဲ့ ရင်းနှီးမြုပ်နှံမှုဖြစ်ပြီးတော့ CMP လက်ခစားစနစ်နဲ့ Hometextiles ချုပ်လုပ်တဲ့လုပ်ငန်းဖြစ်ပြီး အမေရိကန်ဒေါ်လာ ၁.၂၇ဝသန်း နဲ့ မအူပင်စက်မှုဇုန်မှာ ရင်းနှီးမြုပ်နှံမှာပါ။


ရာနှုန်းပြည့်မြန်မာနိုင်ငံသားရင်းနှီးမြုပ်နှံမှု (၄)ခုက တော့
ငွေဆောင်ကမ်းခြေဒေသမှာ မြန်မာကျပ်ငွေ ၄၄၃၈ သန်းရင်နှီးမြုပ်နှံမယ့် Ayeyar Winner (AW) Public Co.,Ltd. ရဲ့ ယာဉ်ရပ်နားစခန်းနှင့် စီးပွားရေးအဆောက်အအုံတွေ ဆောက်လုပ်ရောင်းချငှားရမ်းခြင်းလုပ်ငန်း၊ ငွေဆောင်ကမ်းခြေဒေသမှာ မြန်မာကျပ်ငွေ ၄၄၆၇.၀၉၄သန်း ရင်းနှီးမြုပ်နှံမယ့် Win Emerald Co., Ltd. ရဲ့ တန်ဖိုးနည်းအပန်းဖြေအိမ်ရာဆောက်လုပ်ငှားရမ်းရောင်းချခြင်းလုပ်ငန်း၊
မအူပင်ခရိုင် ညောင်တုန်းမြို့နယ် အရွှဲကျေးရွာအုပ်စုမှာ မြန်မာကျပ်ငွေ ၃၁၅၂.၉၄၆သန်း ရင်းနှီးမြုပ်နှံမယ့် Wah Wah Win International Co., Ltd ရဲ့ ဆန်စပါးအခြေခံ တန်ဖိုးမြှင့် ဆန်ထုတ်လုပ်ရောင်းချခြင်းလုပ်ငန်း၊ ကန်ကြီးထောင့်မြို့နယ် အစုကြီးကျေးရွာမှာ မြန်မာကျပ်ငွေ သန်း၃၀၀ ရင်းနှီးမြုပ်နှံမယ့် စပါးပျိုး ဗန်းပျိုးထောင်ခြင်းနှင့် ကောက်စိုက်စက်ဖြင့်စိုက်ပျိုးပေးခြင်းဝန်ဆောင်မှုလုပ်ငန်း
စတဲ့ လုပ်ငန်း ၄ ခု ကို ခွင့်ပြုပေးလိုက်တာပါ။


ဧရာဝတီတိုင်းဒေသကြီးရင်းနှီးမြုပ်နှံမှုကော်မတီကခွင့်ပြုလိုက်တဲ့ လုပ်ငန်း ၅ခု က အိမ်ရာဆောက်လုပ်ရေး ကဏ္ဍ အတွက် (၂)ခု၊ စက်မှုလုပ်ငန်းကဏ္ဍအတွက် (၂)ခုနှင့် စိုက်ပျိုးရေးကဏ္ဍအတွက် (၁)ခုတို့ပါဝင်ပါတယ်။

မြန်မာနိုင်ငံရင်းနှီးမြုပ်နှံမှုကော်မရှင်ကလည်း ဖေဖော်ဝါရီလ ၄ရက်နေ့မှာ ပြုလုပ်တဲ့ ကော်မရှင် ရဲ့ (၂/၂၀၁၉) အစည်းအဝေးမှာလည်း ရာနှုန်းပြည့်မြန်မာနိုင်ငံသားရင်းနှီးမြုပ်နှံမှုလုပ်ငန်းတစ်ခုကို ခွင့်ပြုထားပါတယ်။


ဧရာဝတီတိုင်းဒေသကြီးပန်းတနော်မြို့နယ်မြေနုကျေးရွာနှင့် ဘုရားချောင်းကျေးရွာတို့မှာ ငါးမွေးမြူခြင်း၊ပြုပြင်ထုတ်လုပ်ခြင်း၊အေးခဲခြင်းနှင့် ဆက်စပ်သောလုပ်ငန်းတွေ ကို ပြည်တွင်းအများနှင့်သက်ဆိုင်သောကုမ္ပဏီလီမိတက်တစ်ခုကို ခွင့်ပြုပေးခဲ့တာပါ။

အသေးစိတ်စာရင်းတွေကိုအောက်ကလင့်မှာ download ရယူနိုင်ပါတယ်


Facebook Comments